2026 жылдың басынан бастап Enbek.kz Электрондық еңбек биржасында 102,7 мың бос жұмыс орны жарияланып, 162,4 мың түйіндеме орналастырылды. Бұл ретте барлық жұмыс ұсыныстарының 80%-дан астамы білікті кадрларға бағытталған, деп хабарлайды ҚР Еңбек және халықты әлеуметтік қорғау министрлігі. Жұмысшы мамандықтар сұраныстың жартысына жуығын құрайды – 48,9 мың (47,6%) бос жұмыс орны. Нақты кәсіптердің ішінде жұмыс берушілер тарапынан ең көп сұранысқа ие болғандар: мейіргерлер (1,9 мың бос жұмыс орны), санитарлар мен автомобиль жүргізушілері (әрқайсысы 1,8 мыңнан), сондай-ақ математика пәнінің мұғалімдері (1,7 мың). Салалық бөліністе сұраныс барлық бос орындардың 66,4%-ын құрайтын бес негізгі салада шоғырланған. Дәстүрлі түрде білім беру саласы көш бастап тұр…
Автор: un_admin
«Энергетикалық және коммуналдық секторларды жаңғырту» ұлттық жобасын іске асыру шеңберінде технологиялық процестерді басқару жүйелерін кезең-кезеңімен жаңғырту және зияткерлік технологияларды енгізу мақсатында энергетика нысандарындағы олардың ағымдағы жай-күйіне бағалау жүргізілді, деп хабарлайды ҚР Энергетика министрлігі. Жұмыс барысында қолданыстағы басқару жүйелерінің цифрлық жетілу деңгейі талданды, технологиялық және ақпараттық тәуекелдер анықталды, сондай-ақ жасанды интеллект технологияларын қолдана отырып, оларды одан әрі дамыту бағыттары айқындалды. Технологиялық параметрлерді зияткерлік мониторингілеу, жабдықтардың істен шығуын болжау, жұмыс режимдерін оңтайландыру және энергиямен жабдықтаудың сенімділігін арттыру үшін жасанды интеллектті (ЖИ) пайдалану мүмкіндіктеріне ерекше назар аударылды. Диспетчерлік басқару және кибертұрақтылықты қамтамасыз ету жүйелерінде үлкен деректер талдамасы мен машиналық оқыту алгоритмдерін қолдану тәсілдері…
Құрметті отандастар! Сіздерді күллі мұсылман қауымы үшін қасиетті Рамазан айының басталуымен шын жүректен құттықтаймын! Бұл – дүние жүзіндегі миллиардтаған жанды рухани тазаруға, жақынына жанашыр әрі қамқор болуға үндейтін мезгіл. Ораза азаматтарды шыдамдылық пен төзімділікке шақырып, халқымыздың бойына қарапайымдылық, жауапкершілік және адалдық сынды асыл қасиеттерді сіңіреді. Оразаның рухани құндылықтарын қазір әлемде болып жатқан күрделі ахуалды ескере отырып, кемел санамен қабылдау, оның түпкі мағынасын дұрыс түсіну – үлкен имандылықтың белгісі. Бүгінде Қазақстан ауқымды өзгерістердің, түбегейлі жаңғырудың тарихи кезеңіне қадам басты. Жаңа халықтық Конституцияның жобасы республикалық референдумға шығарылды. Бұл өрлеу және әділеттілік даңғылына түскен мемлекетіміздің даму бағытын айқындайтын Негізгі Заң болмақ. Бас…
Облыс әкімі Нұрлыбек Нәлібаевтың қатысуымен Сабалақ елді мекеніне газ қосу рәсімі өтті. ОғанПарламент Мәжілісінің депутаттары Мұрат Әбенов, Мархабат Жайымбетов,Мұрат Ергешбаев, құқық қорғау органдарының бірінші басшылары, мәслихат депутаттары, зиялы қауым өкілдері мен ел ағалары арнайы қатысты. Аймақ басшысы тұрғындарды көптен күткен игіліктің іске асуымен құттықтады. «Мемлекет басшымыз Қасым-ЖомартКемелұлықаламызда өткен Ұлттық құрылтайда: «Соңғы жылдары Қызылорда облысы заман талабына сай өсіп-өркендеп жатыр» деп, аймағымыздың барлық салада қарқынды дамығанын ерекше атап өтті. Cыр өңірінде атқарылған жұмыстарға оң бағасын берді. Тарихи миссиясы маңызды жиында Мемлекет басшымыз Қызылорда қаласында 300 орындық көпбейінді аурухана құрылысы басталғанын, алдағы уақытта 500 орындық емхана мен 200 орындық перзентхана салынатынын, жаңа…
Биыл Қазақстанда дәстүрлі және жаңартылатын энергия көздерінен 2,64 ГВт қуатты пайдалануға беру жоспарланып отыр. Бұл жобаларды іске асыру 2027 жылдың бірінші тоқсанының соңына қарай елдегі энергия тапшылығы мәселесін толық шешуге, ал 2029 жылға қарай электр энергиясының тұрақты профицитіне шығуды қамтамасыз етуге мүмкіндік береді, деп хабарлайды ҚР Энергетика министрлігі. Мемлекет басшысы Үкіметтің кеңейтілген отырысында өткен жылы 3,7 млрд киловатт-сағат энергия импортталғанын атап өтіп, жаңа қуаттарды іске қосу жұмысын күшейтуді тапсырды. Биыл 4 бу-газ қондырғысы (БГҚ), 2 жел электр станциясы, 4 күн электр станциясы іске қосылады және екі электр станциясын кеңейту жоспарлануда. Аталған энергия нысандары жылына шамамен 16 млрд киловатт-сағат энергия өндіреді.…
ҚР Президентінің еліміздің транзиттік әлеуетін арттыру және транзиттік тасымал көлемін 55 млн тоннаға дейін жеткізу жөніндегі тапсырмаларын іске асыру аясында көлік министрі Өзбекстан Республикасының көлік министрімен теміржол тасымалы саласындағы ынтымақтастықты әрі қарай дамыту мәселелері бойынша кездесу өткізді, деп хабарлайды ведомствоның баспасөз қызметі. Кездесу барысында тараптар Қазақстан мен Өзбекстан арасындағы теміржол қатынасының стратегиялық маңыздылығын, оның сауда-экономикалық байланыстарды, халықаралық транзитті және аймақтық көлік интеграциясын дамытудағы негізгі рөлін, сондай-ақ тасымал көлемін ұлғайтуға және логистикалық бағыттардың тиімділігін арттыруға үлкен әлеуеті бар екенін атап өтті. 2025 жылғы нәтижелер бойынша екі ел арасындағы теміржол тасымалы көлемі 32,3 млн тоннаны құрап, 2024 жылмен салыстырғанда 16%-ға артты. Тасымал…
Үкімет 2029 жылға қарай $400 млрд жиынтық инвестиция тарту арқылы экономикалық өсудің жаңа моделіне көшуді қамтамасыз етеді. Мемлекет басшысының Үкіметтің кеңейтілген отырысында қойған міндеттерін жүзеге асыру тетіктері туралы Премьер-министрдің орынбасары – ұлттық экономика министрі Серік Жұманғарин баяндады, деп хабарлайды UKIMET телеграм арнасы. Ұлттық жоспардағы болжамдарға сәйкес инвестициялардың Жалпы ішкі өнімге қатынасы қазіргі 14–15%-дан 2029 жылы 23%-ға дейін ұлғаяды. Нәтижесінде 2029 жылы негізгі капиталға салынатын инвестициялар 2024 жылғы деңгеймен салыстырғанда 2,5 есеге артуға тиіс. Металлургия, мұнай химиясы, газ өндірісі мен фармацевтиканы дамытуға басты назар аударылатын болады. Мемлекет инвесторларды шақыруымен ғана шектелмей, экономикалық өсудің проактивті саясатын енгізуде. Яғни, Үкіметтің өзі жергілікті бизнестің…
ҚР өнеркәсіп және құрылыс министрі Ерсайын Нағаспаев Үкімет отырысында республикадағы автомобиль өнеркәсібінің дамуы туралы баяндады. Ол автомобиль өндірісі өткен жылы рекордтық өсім көрсетіп, машина жасау секторының 41,7%-ын құрағанын атап өтті. 171 мыңнан астам көлік шығарылды, оның 159 мыңы – жеңіл автомобильдер, деп хабарлайды UKIMET телеграм арнасы. Екі жаңа жоғары технологиялық өндіріс іске қосылды, олар – Chery, Haval, Changan брендтері бар Алматыдағы мультибренд зауыты және Қостанайдағы Kia Qazaqstan зауыты. «Осындай зауыттардың іске қосылуы автокомпоненттер өндірісін локализациялауға серпін беріп отыр. Мысалы, өткен жылы Алматы индустриялық аймағында автокомпоненттер технопаркі іске қосылды. Онда автокөліктерге арналған мультимедиа жүйелері мен орындықтар өндіріледі», — деді Ерсайын Нағаспаев.…
Өскелең ұрпақтың қауіпсіздігі Қазақстан басшылығы және барлық мүдделі мемлекеттік органдардың ерекше назарында. Балалардың қауіпсіздігін қамтамасыз ету мәселелері полиция органдарының жауапкершілігіне жатады. Үкімет 2026–2030 жылдарға арналған «Қазақстан балалары» тұжырымдамасын бекітті, ол балалардың құқықтарын қорғау саласындағы қолданыстағы шаралар мен бағдарламаларды біріктіреді. Ағымдағы жылды ҚР ІІМ «Заң және тәртіп – балалық шақ қауіпсіздігінің кепілі» жылы деп жариялады. Бұл туралы ОКҚ алаңында өткен баспасөз конференциясында ҚР ІІМ Әкімшілік полиция комитеті төрағасының орынбасары Ғалым Сарғұлов мәлімдеді. Спикердің айтуынша, кешенді жедел профилактикалық шаралар жүзеге асырылуда: акциялар, тұрғылықты мекенжайларға бару, мектептерде дәрістер өткізу, «Түнгі қаладағы балалар», «Жасөспірім» және басқа да жедел профилактикалық іс-шаралар ұйымдастырылады. «Әр мектепке полиция…
Қазақстанда балалардың қатысуымен болатын жол-көлік оқиғалары мәселесі әлі де өзекті болып отыр. Былтыр жол-көлік оқиғалары салдарынан 285 бала қаза тапты. Бұл – жол беруге болмайтын ауыр шығын. Зардап шеккен кәмелетке толмағандардың жартысынан көбі көлік жолаушылары болған. Бұл туралы ОКҚ алаңында өткен баспасөз мәслихатында ҚР ІІМ Әкімшілік полиция комитеті төрағасының орынбасары Ғалым Сарғұлов мәлімдеді. Спикердің айтуынша, көп жағдайда зардап шеккен балаларды ересектер тасымалдау ережелерін бұзған: балаларды арнайы ұстап тұру құрылғыларынсыз және қауіпсіздік белдігін тақпай алып жүрген. «Жол қозғалысы қауіпсіздігі жүргізушілерге де, жаяу жүргіншілерге де байланысты. Қауіп екі тарап үшін де бар. Жол-көлік оқиғалары себептерінің бірі – жолды белгіленбеген жерден немесе бағдаршамның…