Бүгін облыс әкімі Нұрлыбек Нәлібаевтың төрағалығымен кадрлық өзгерістерге орай мәжіліс өтті. Жиында Қызылорда облыстық санитариялық-эпидемиологиялық бақылау департаментінің басшысы лауазымына тағайындалған Сыздықова Гүлмира Жамбылқызы таныстырылды. Осыған дейін департамент басшысы қызметін атқарып келген Жаңабергенова Динара Олжабайқызы ротация тәртібімен Батыс Қазақстан облыстық санитариялық-эпидемиологиялық бақылау департаментінің басшысы қызметіне ауысты. Облыс әкімі Гүлмира Сыздықованың жаңа қызметіне сәттілік тілеп, бірқатар міндет жүктеді. «Жаңа басшыға халықтың санитариялық-эпидемиологиялық саламаттылығы саласындағы мемлекеттік саясатты тиімді іске асыруды, жұқпалы аурулардың эпидахуалын тұрақты ұстауды, талаптардың орындалуын қамтамасыз етуді тапсырамын. Сонымен қатар, топтық уланудың алдын алу үшін өнімдер қауіпсіздігі мен ауыз су сапасын, білім беру, тәрбиелеу орындарындағы, әсіресе мектеп асханаларындағы гигиеналық, санитариялық талаптардың…
Автор: un_admin
Бүгін аймақ басшысы Нұрлыбек Нәлібаевтың қатысуымен облыстық мәслихаттың XХ сессиясы өтіп, күн тәртібінде 6 мәселе қаралды. Облыс әкімі аймақтың әлеуметтік-экономикалық дамуындағы жетістіктерге тоқталып, биылғы облыстық бюджетті алғашқы нақтылауға ұсыныс енгізді. «28 қаңтарда өткен Үкіметтің кеңейтілген отырысында Президентімізге Қызылорда облысының әлеуметтік-экономикалық даму барысын баяндадым. Мемлекет басшысы атқарылған істерге оң бағасын беріп, жұмысты күшейтуді тапсырды. Былтыр өздеріңізбен бірлескен жұмыстардың нәтижесінде аймағымызда экономикалық өсім қамтамасыз етілді. Осы жылды да оң нәтижелермен бастадық. Қаңтар айындағы макроэкономикалық көрсеткіштер бойынша өсім бар. Ауыл шаруашылығының жалпы өнімі 2,1 пайызға, құрылыс жұмыстары 67,2 пайызға, пайдалануға берілген тұрғын үйлер 18,9 пайызға, тартылған инвестициялар 9,8 пайызға, жалпы сауда 2,3 пайызға,…
Облыс әкімі Нұрлыбек Нәлібаевтың төрағалығымен өткен мәжілісте өңірдегі жобалардың іске асырылуы, құрылысы жүріп жатқан нысандардағы жұмыс барысы, басқа да өзекті мәселелер талқыланды. Жауапты басқарма басшылары тұрғын үйлер мен әлеуметтік нысандардың құрылыс қарқыны туралы баяндады. Аймақ басшысы жұмыстың кестеге сәйкес жүргізілуін қатаң қадағалауды ескертті. Әсіресе, әлеуметтік нысандарды уақытылы аяқтап, қолданысқа беру өте маңызды екені айтылды. Мұнан бөлек, республикалық бағдарламаларға мониторинг жүргізу, тазалық және алдағы көктемгі маусымда көркейту-көгалдандыру жұмыстарын ұйымдастыру, бюджет қаражатын тиімді игеру мәселелері талқыланды. Мәжіліс соңында Нұрлыбек Машбекұлы жауапты тұлғаларға бірқатар тапсырма берді.
Бүгін облыс әкімі Нұрлыбек Нәлібаев Қызылорда қаласындағы құрылыс нысандарын аралап, ондағы жұмыс барысын тексерді. Алдымен «Жаңадария», «Сыздық», «Шіркейлі» каналдарындағы көпірлерді қайта жаңғырту жұмыстарымен танысты. «BSJ инжиниринг» ЖШС ұзындығы 61,2 метр, ені 11,5 метр «Жаңадария» каналындағы көпірді жаңғыртуда. Осы көпірмен тұрғындар «АвтоЦонға», «Қорқыт ата әуежайына» Амангелді, «Бесарық», «Иіркөл», «Қоғалыкөл», «Жетікөл», «Айдарлы» елді мекендеріне, қала маңындағы саяжайларға қатынайды. «Сыздық», «Шіркейлі» каналдарындағы жұмысты «Жылу 21» ЖШС қолға алған. Елді мекендер мен саяжайларға қатынаушылар үшін бұл көпірлердің де маңызы зор. Сонымен қатар, 13,5 шақырым автокөлік жолын төрт жолақты етіп қайта жаңғыртуға бюджеттен қаржы қаралып, құрылысы қарқынды жүргізілуде. Одан кейін, облыс әкімі «Тау групп» ЖШС…
Бүгін облыс әкімі Нұрлыбек Нәлібаев «Samruk-Kazyna Construction» акционерлік қоғамының басқарма төрағасы Мәулен Айманбетовпен кездесті. Басқосуда аймақта «Жайлы мектеп» ұлттық жобасының жүзеге асырылу барысы талқыланды. Мемлекет басшысының тапсырмасымен қолға алынған бұл жоба білім беру инфрақұрылымын жақсартуға бағытталған.Балалардың қауіпсіз және жайлы ортада білім алуына мүмкіндік береді, сондай-ақ оқу процесін цифрлық құралдармен, қазіргі заманғы білім беру технологияларымен қамтамасыз етеді. Өңірде ұлттық жоба аясында 6900 орындық 10 мектептің құрылысы жүргізіліп, 2700 орындық 5 мектеп пайдалануға берілді. Айта кетейік, өткен жылы аймақта 6 мектеп, ал 5 білім ордасына қосымша ғимарат салынып, Арал ауданы Тоқабай ауылындағы, Шиелі кентіндегі және осы ауданның Жансейіт ауылындағы апатты мектептердің мәселесі…
17 ақпан күні Ұлытау облысындағы «Жомарт» кенішінде 7 жұмысшы байланыссыз қалып, бүгін олардың мәйіті табылды. Қайғылы оқиғадан қаза болған кеншілердің жеке басы анықталып, аты-жөні жарияланды: 1. Қайрат Ақшалов, 49 жаста. 3-разрядты машинист, төрт баланың әкесі. Балаларының үлкені 19, кішісі 4 жаста. Ұлытау ауданында тұрған. 2. Ардақ Жақұбаев , 26 жаста. Жерасты учаскесінің тау-кен шебері, 2 жастағы баласы бар. Сәтпаев қаласында тұрған. 3. Бақытбек Жұмадоллаев, 49 жаста. 3-разрядты жерасты тау-кен жұмысшысы, 4 жастағы баласы бар. Сәтпаев қаласында тұрған 4. Орынбек Кенжебеков, 33 жаста. Жүк тиеу-жеткізу машинасының машинисі. Екі баланың әкесі, кішісі 2 жаста. Жезқазған қаласында тұрған. 5. Ғалымжан Молдабеков, 46 жаста. Теспе бұрғылаушының көмекшісі, төрт баланың әкесі. Жезқазған қаласында…
Елімізде 2025 жылдың 22 ақпаннан бастап екі жол ақылы болады. Оның бірі — «Қостанай — РФ шекарасы» болса, екіншісі — «Ақтөбе — РФ шекарасы» жолы. ҚР Көлік министрінің м. а. 2025 жылғы № 39 және № 40 бұйрықтарына сәйкес «Қостанай-РФ шекарасы» (Троицке) және «Ақтөбе-РФ шекарасы» (Орынборға) автожолдарының учаскелері автобус пен жүк көліктеріне ақылы болады. 1. «Қостанай-РФ шекарасы (Троицке)» автожолының 539-376 шақырым аралығындағы учаскесі (М-36). Жүргізушілерге «РФ шекарасы (Екатеринбургке)-Алматы» республикалық маңызы бар автомобиль жолы және «Қостанай-Рудный-Айет-РФ шекарасы» аудандық маңызы бар автомобиль жолдары арқылы баламалы жол ұсынылады. Ақылы учаскенің ұзындығы 163 шақырымды құрайды. ІІ және ІІІ техникалық санаттан тұрады. Жүріп өту жолағының ені — кемінде 3,5 метр,…
Бүгін Алматыдағы өңірлік коммуникациялар қызметінің баспасөз мәжілісінде «Экомед» емханасының репродуктивті маманы Айгерим Ахметова 2025 жылы Алматыдағы «Экомед» адам репродуктивті емханасы экстракорпоралды ұрықтандыру (ЭКҰ) мен қосалқы репродуктивті технологиялардың (ҚРТ) тиімділігін арттыра алатын бедеулікті емдеудің жаңа әдістерін енгізетіні туралы баяндады. «Біз ұрықтандырудың табиғилыққа барынша жақындатуға мүмкіндік беретін Piezo ICSI әдісін белсенді түрде енгізіп жатырмыз, сонымен қатар эмбриондарды талдауда жасанды интеллект қолданамыз», дейді маман. Маманның айтуынша, емхана аналық жасушалар мен эмбриондарды криоконсервациялауды қолдануды кеңейтіп отырса, бұл әйелдерге ұрпақты болу жасушаларының сапасын жоғалтпай босануды кейінге қалдыруға мүмкіндік береді. Сондай-ақ Алматыда тұқым қуалайтын ауруларды жоққа шығаруға мүмкіндік беретін соңғы зертханалық диагностикалық әдістер, имплантацияға дейінгі генетикалық…
Украина президенті Владимир Зеленский түркиялық әріптесі Реджеп Тайип Ердоғанмен кездесу үшін Анкараға ресми сапармен барды. Зеленскийді Ердоған шақырған. Бұл туралы «Рейтер» және «Ассошиейтид Пресс» агенттіктері хабарлады. Тараптар келіссөздер барысында екі жақты стратегиялық ынтымақтастықты дамыту және әрі қарай нығайту мәселелерін талқылайды деп жоспарланған. Ал Ресейдің Сыртқы істер министрі Сергей Лавров пен АҚШ Мемлекеттік хатшысы Марко Рубио Сауд Арабиясының астанасына табан тіреді. Осының алдында Ақ үй басшысы Дональд Трамп Владимир Путинмен Эр-Риядта кездесуіміз мүмкін деп мәлімдеген болатын. Зеленский ол жиынға қатысудан бас тартқан. Фото: ашық дереккөз
Биыл Рамазан айы 1 наурызда басталады. ҚМДБ Шариғат және пәтуа бөлімі Түркі мемлекеттері ұйымына қарасты Мүфтилер алқасы жанындағы Пәтуа кеңесімен ақылдаса келе осы күн бектілгенін хабарлады. Ал наурыз айының 26-нан 27-не қараған түн – қасиетті Қадір түні. 30 наурыз – Ораза айт мерекесі тойланады. «Бүгін Бас мүфти Наурызбай қажы Тағанұлының төрағалығымен өткен Қазақстан мұсылмандары діни басқармасының Төралқа мәжілісінде пітір садақасы еліміз бойынша екі келі ұнның орташа бағасы негізінде 655 теңге болып бекітілді», делінген ҚМДБ хабарламасында. Былтыр пітір садақа мөлшері 640 теңге болған еді.