Мемлекет басшысының Жарлығымен Олжас Абайұлы Бектенов Қазақстан Республикасының Премьер-Министрі лауазымына тағайындалды.
Автор: un_admin
Мемлекет басшысының Жарлығымен Ерлан Тынымбайұлы Қарин Қазақстан Республикасының Вице-Президенті болып тағайындалды, ол бұрынғы атқарған лауазымынан босатылды.
Қасым-Жомарт Тоқаев Қазақстан Республикасы Құрылтайындағы саяси партиялар фракцияларының жетекшілерімен кездесу өткізді. Кездесуде Президент жаңа Конституцияның 46-бабына сәйкес Премьер-Министр лауазымына ұсынылған Олжас Бектеновтің кандидатурасы жөнінде фракция жетекшілерімен кеңесуге тиіс екенін айтты. Талқылауға «Әділет» партиясы фракциясының жетекшісі Ербол Адаев, «Ауыл» партиясы фракциясының жетекшісі Қайрат Айтуғанов, «Respublica» партиясы фракциясының жетекшісі Айдарбек Қожаназаров, «Ақ жол» партиясы фракциясының жетекшісі Дания Еспаева, Жалпыұлттық социал-демократиялық партия фракциясының жетекшісі Асхат Рақымжанов қатысты.
Құрметті отандастар! Алдағы жексенбі күні елімізде жаңа бірпалаталы Құрылтайдың алғашқы сайлауы өтеді. Бұл – ұлт тағдырына тікелей әсер ететін тарихи оқиға. Еліміз соңғы жылдары ауқымды реформаларды жүзеге асырып, жарқын болашаққа батыл қадам басып келеді. Біз бірлік пен келісімнің және ынтымақтың арқасында Әділетті Қазақстанды құру ісінде зор жетістікке жеттік. Халық Конституциясы күшіне енді, еліміздің даму бағдары өзгерді. Дегенмен атқаратын жұмыс әлі де көп. Бұл сайлау халқымыздың игілігіне қызмет ететін тың реформаларға бастау болып, қазіргі Қазақстан жылнамасындағы жаңа кезеңге жол ашады. Мен партиялардың барлығы дайындық жұмыстарын тиісті деңгейде жүргізуі үшін Құрылтай сайлауы өтетін уақытты ертерек хабарладым. Сондықтан Құрылтайдың алғашқы сайлау науқаны мазмұнды,…
Ұлы Отан соғысының ардагері Яхия Тасыров Сырдария ауданы Тереңөзек кентіндегі №155 сайлау учаскесіне келіп, Құрылтай сайлауында дауыс берді. Жасы ғасырдан асқан ақсақал маңызды саяси науқанда азаматтық белсенділіктің жарқын үлгісін көрсетті. Қарт майдангер әр азаматтың дауыс беруі жауапкершіліктің белгісі екенін атап өтті. – Еліміздің ертеңі жарқын болуы үшін әркім өз таңдауын жасауы керек. Бірлігіміз бекем, Тәуелсіздігіміз тұғырлы болсын!, – деп ақ батасын берді. 105 жастағы Яхия Тасыров – облыстағы жалғыз Ұлы Отан соғысының ардагері.
Бүгін облыс әкімі Мұрат Ергешбаев «Құзыреттілік орталығындағы» №222 сайлау учаскесіне барып, Қазақстан Республикасы Құрылтай депутаттарының сайлауында дауыс берді. Тұрғындармен кездесіп, пікірлерін тыңдады. «Жыл басында Сыр бойында өткен Ұлттық құрылтайдың қорытынды бесінші отырысында Президентіміз еліміздің алдағы стратегиялық бағытын айқындап, конституциялық реформаларды ұсынған болатын. Жалпыхалықтық референдум арқылы қабылданған жаңа Конституциямыз аса ауқымды қоғамдық-саяси үдерістерге жол ашып, мемлекеттік басқару жүйесін жаңғыртуға мүмкіндік берді. Бүгін өтіп жатқан Құрылтай депутаттарының сайлауы – Әділетті әрі Қуатты Қазақстанның жаңа бағдарын айқындайтын тарихи оқиға. Жаңа Құрылтай Парламенттік жүйенің тарихи сабақтастығын сақтап, егемен еліміздің жарқын болашағына қызмет етеді. Сыр жұртшылығы еліміздің ертеңіне бейжай қарамай, бүгінгі сайлауға да белсенді қатысады…
Құрылтай сайлауы күні Қызылорда қаласында дауыс беру науқанымен қатар ауыл шаруашылығы жәрмеңкелері де ұйымдастырылды. Қала тұрғындарына әлеуметтік маңызы бар азық-түлік өнімдері, сондай-ақ маусымдық жеміс-жидек пен көкөністер төмен бағамен ұсынылды. Дауыс беруге келген тұрғындар азаматтық таңдауын жасап, сол мезетте жәрмеңкеден қажетті азық-түліктерін сатып алды. Жәрмеңкеде сауда қызу жүріп, қала тұрғындары үшін сайлау күні қоғамдық және әлеуметтік белсенділік қатар өрбіді. – Бүгін сайлауға дауыс беруге шыққан едім. Дауыс беріп болған соң жәрмеңкеге соғып, біраз азық-түлік алып алдым. Балаларға қауын-қарбызды арзан бағаға алдым. Еліміз аман, жұртымыз тыныш болсын, – дейді қала тұрғыны. Сайлау күні ұйымдастырылған жәрмеңкелер тұрғындарға қажетті өнімдерді қолжетімді бағамен сатып алуға…
Қызылорда облысының «Мерейлі отбасы – 2026» ұлттық конкурсының облыстық кезеңінде ІІІ орын иеленген Бимұратовтар отбасы Құрылтай сайлауында өз таңдауын жасады. Отбасының берекесі мен бірлігін ұлықтап, елге үлгі болып жүрген Бимұратовтар әулетінің мүшесі, «Батыр ана», тыл ардагері Үбіжарова Ұлмекен анамыз да азаматтық таңдауын жасап, өз дауысын берді.
Қазақстанда «Құрылтай» есімді 10 адам бар. Есімі бірегей азаматтардың басым бөлігі Шығыс Қазақстан облысында тұрады. Ұлттық статистика бюросының дерегіне сүйенсек, елде «Құрылтай», «Курылтай», «Курултай» және «Курлтай» есімдерін иеленген 10 адам тіркелген. Оның алтауы – ер адам болса, төртеуі – әйел. Құрылтай есімді және оның нұсқаларымен тіркелген азаматтардың ең көбі Шығыс Қазақстан облысында тұрады. Бұл өңірде төрт адам бар. Алматы қаласында екі азамат тіркелген. Ал Абай, Жамбыл, Қарағанды, Маңғыстау облыстарының әрқайсысында бір адамнан бар. Жас ерекшелігіне келсек, 10 адамның бесеуі 65 жастан асқан. Олардың ең үлкені – 80 жаста. Қалған азаматтардың төртеуі 30-34, 50-54, 55-59, 60-64 жас аралығындағы топтарға жатады. Еске…
Ақмола облысы Целиноград ауданында Қаражар және Қараөткел ауылдарын газбен қамту жұмыстары жоспарланған мерзімнен бұрын аяқталып, газ беру жүйесі іске қосылды. Бастапқы жоспар бойынша 2028 жылға дейін жалғасуы тиіс болған құрылыс-монтаж жұмыстары толық аяқталды. Инфрақұрылымның мерзімінен бұрын пайдалануға берілуінің арқасында елорда маңындағы 24 мыңнан астам тұрғын көгілдір отынға қол жеткізді, деп хабарлайды ҚР Энергетика министрлігі. Жоба аясында шамамен 240 шақырым жаңа газ желісі тартылды. Қаражар Целиноград ауданында табиғи газбен толық қамтылған жетінші, ал Қараөткел сегізінші елді мекен болды. Екі нысанды бір мезгілде іске қосуға олардың бірыңғай магистральдық желі бойында орналасуы мүмкіндік берді. Қаражар ауылында 53 шақырымға жуық газ желісі тартылып, бес…