Қазақстанда Network School Kazakhstan – әлемнің түкпір-түкпірінен кәсіпкерлерді, инженерлерді, зерттеушілерді және технологиялық өнім жасаушыларды біріктіретін халықаралық технологиялық қоғамдастық ресми жұмысын бастады, деп хабарлайды ҚР Жасанды интеллект және цифрлық даму министрлігі. Network School Kazakhstan жаһандық технологиялық экожүйе мен Қазақстанның талантты мамандары арасындағы байланыстырушы буынға айналады. Жоба елге халықаралық кәсіпкерлерді, инженерлерді және технологиялық командаларды тартуға бағытталған, сонымен қатар қазақстандық мамандар үшін оқудан және кәсіби ынтымақтастықтан бастап өнім әзірлеу мен компания құруға дейінгі жаңа мүмкіндіктер жасайды. Network School негізін қалаушы Балаж Шринивасан – технологиялық кәсіпкер әрі инвестор, Coinbase компаниясының бұрынғы техникалық директоры және Andreessen Horowitz венчурлық қорының бас серіктесі, The Network State кітабының…
Автор: un_admin
Кездесуде Президент Қасым-Жомарт Тоқаев министрліктің негізгі міндеттерін айқындап, орман қорын қалпына келтіру жұмыстарын жалғастыруды, ұлттық парктер инфрақұрылымын дамытуды, қалдықтарды өңдеу есебінен тұйық циклді экономика қалыптастыруды тапсырды. Астана, Алматы және Шымкент қалаларында қалдықтарды энергетикалық кәдеге жарататын зауыт салып, бұл істі басқа өңірлерде де жалғастыру келешегіне ерекше назар аударылды. Сондай-ақ экологиялық мәдениетті арттыру мен «Таза Қазақстан» бастамасын ары қарай тиімді іске асырудың маңызына мән берілді.
Бүгін «Қарауылтөбе» ауылдық округіндегі «Дала күні – 2026» іс-шарасында Ы.Жақаев атындағы Қазақ күріш шаруашылығы ғылыми-зерттеу институтының егіс алқабына алғашқы орақ салу рәсімі өтті. Оған облыс әкімі Мұрат Ергешбаев, Ауыл шаруашылығы вице-министрі Ермек Кенжеханұлы, Су ресурстары және ирригация вице-министрі Жандос Салимов, Ұлттық аграрлық ғылыми-білім беру орталығының басқарма төрағасы Бауыржан Асанов, министрлік өкілдері, еліміздің жетекші ғылыми-зерттеу институттарының басшылары, қала және аудан әкімдері, облыстық басқармалар мен департаменттердің басшылары, су шаруашылығы мекемелері мен шаруа қожалықтарының төрағалары, қаржы институттарының өкілдері қатысты. Аймақ басшысы еңбеккерлерді құттықтап, биылғы жауапты науқанға дайындық барысында атқарылған жұмыстарға тоқталды. «Сыр елі – ежелден диқаншылық дәстүрі орныққан берекелі өңір. Ақ күрішімен аты…
Бүгін Жаңақорған ауданы Шалқия кентінде «Liaoning Hongda Group» компаниясы «Бурабай-Жалғызағаш» тау-кен байыту комбинатының құрылысы ресми түрде басталды. Оған облыс әкімі Мұрат Ергешбаев, «Liaoning Hongda Group» компаниясының бас директоры Тан Цзюган қатысты. Рәсімде аймақ басшысы аудан тұрғындарын құттықтап, жаңа өндіріс орны өңір экономикасына тың серпін беретінін атап өтті. «Комбинат құрылысының басталуы – Сыр өңірі үшін тарихи оқиға. Бұл – облысымыздың индустриялық дамуына жаңа серпін, экономиканы әртараптандыруға және жаңа жұмыс орындарын ашуға мол мүмкіндік беретін ірі инвестициялық жоба. Осындай ауқымды әрі заманауи жобаны аймағымызда жүзеге асырған «Liaoning Hongda Group» компаниясына зор ризашылығымды білдіремін. Мемлекет басшысы Қасым-Жомарт Кемелұлы елімізді жаңа инвестициялық циклге көшіру,…
Алматы қаласындағы Әбілхан Қастеев атындағы Қазақстан Республикасының Мемлекеттік өнер музейінде қазақ бейнелеу өнерінің көрнекті өкілі, жерлесіміз, Қазақстанның еңбек сіңірген қайраткері, Мемлекеттік сыйлықтың лауреаты Ағымсалы Дүзелхановтың 75 жылдығына арналған тағылымды көрме өтті. 1951 жылы Қазалы қаласында дүниеге келген Ағымсалы Дүзелханов ұлттық бейнелеу өнерінің дамуына өлшеусіз үлес қосып, қазақ руханиятында өзіндік қолтаңбасын қалдырған бірегей суретші болды. Кескіндеме, графика және кітап иллюстрациясы салаларында жемісті еңбек етіп, тарихи-фольклорлық тақырыптағы шығармалары арқылы ұлттық өнердің өрісін кеңейтті. Сондай-ақ талай жыл ұстаздық етіп, жас буынға өнердің қыр-сырын үйретіп, кәсіби жол сілтеді. Суретшінің 75 жылдығына арналған көрмеге аудан әкімі Алмасбек Есмаханов арнайы қатысып, сөз сөйледі. Көрме барысында Қызылорда…
Белгілі журналист Ержан Байтілес «Қазақ газеттері» ЖШС-нің бас директоры болып тағайындалды. Бұл туралы ultnews.kz сайты хабарлады. Ержан Байтілес 1981 жылы Қызылорда қаласында дүниеге келген. Әл-Фараби атындағы Қазақ ұлттық университетін «Журналистика» мамандығы бойынша тәмамдаған. Еңбек жолын 2001 жылы «Қазақстан» газетінде тілші болып бастаған. Әр жылдары «Ақ жол Қазақстан» газетінде аға тілші, «Алматы ақшамы» газетінде бөлім меңгерушісі, «Ақшам-ақпарат» тобының жетекшісі болды. 2008–2011 жылдары «Ана тілі» республикалық газеті бас редакторының бірінші орынбасары, 2011–2016 жылдары «Егемен Қазақстан» газетінің Қызылорда облысындағы меншікті тілшісі қызметін атқарды. 2016–2018 жылдары Қызылорда қалалық мәслихатының VI шақырылым депутаты, кейін «Нұр Отан» партиясы Қызылорда облыстық филиалы төрағасының орынбасары болды. 2019 жылдан Президент…
Кездесу барысында Президент Қасым-Жомарт Тоқаев Үкіметтің алдағы кезеңге арналған басты міндеттерін айқындап, елдің әлеуметтік-экономикалық дамуына қатысты бірқатар тапсырма берді. Мемлекет басшысы экономикалық өсімнің тұрақты қарқынын қамтамасыз ету, мемлекеттік басқару тиімділігін арттыру және азаматтардың әл-ауқатын дәйекті түрде жақсарту қажет екеніне назар аударды. Президент барлық мемлекеттік органды ортақ іске жұмылдырып, орындаушылық тәртіпті күшейтуді және Үкімет қызметінде нақты нәтижелерге қол жеткізуге баса мән беруді тапсырды.
Қасым-Жомарт Тоқаев Вице-Президент лауазымы Қазақстан Республикасының Конституциясымен бекітілгенін және мемлекеттік басқару жүйесінде ерекше мәнге ие екенін атап өтті. Мемлекет басшысы Вице-Президент Ерлан Қариннің алдына бірқатар нақты міндет қойды. Атап айтқанда, Вице-Президентке Құрылтаймен, Үкіметпен және басқа да мемлекеттік органдармен өзара іс-қимыл барысында Мемлекет басшысының атынан өкілдік етіп, мемлекеттік саясаттың негізгі мәселелері бойынша ұстанымын жеткізу тапсырылды.
Президент Қасым-Жомарт Тоқаев Құрылтай отырысына қатысып, Конституцияның 46-бабына сәйкес Қазақстан Республикасының Вице-Президенті мен Премьер-министрінің кандидатураларын Құрылтай депутаттарымен келісті. Мемлекет басшысының айтуынша, Вице-Президент мемлекеттік басқару жүйесінде айрықша рөл атқарады, сондай-ақ билік тармақтары арасындағы теңгерімді қамтамасыз етеді, Құрылтай депутаттарымен және Үкіметпен тығыз жұмыс істейді, Конституцияға сәйкес Мемлекет басшысы айқындаған міндеттерді іске асырады. Президент бұл лауазымға Ерлан Тынымбайұлы Қариннің кандидатурасын ұсынды. – Ерлан Қарин – елге танымал азамат. Ол мемлекеттік басқару жүйесінде ұзақ жыл жұмыс істеді, көкжиегі кең, тәжірибесі мол, отаншыл азамат деп айтуға болады. Ауқымды реформаларды сапалы іске асыруға белсенді түрде атсалысты. Мемлекеттің стратегиялық бағдарын, даму жоспарын жақсы түсінеді. Сондықтан Ерлан Тынымбайұлы…
ҚР Энергетика министрлігі ел экономикасының өсіп келе жатқан қажеттіліктерін қамтамасыз ету мақсатында генерациялайтын қуаттарды арттыру бойынша жүйелі жұмысты жалғастыруда. Мемлекет басшысының жаңа энергетикалық қуаттарды іске қосу жөніндегі тапсырмасын орындау аясында Жетісу облысындағы «Текелі энергокешені» ЖШС-ін жаңғыртудың кезекті кезеңі аяқталды. Пайдалануға қуаты 17 МВт болатын үш кәдеге жаратушы қазандық пен генераторы бар бу турбинасы енгізілді, деп хабарлайды ведомствоның баспасөз қызметі. Жобаны іске асыру энергокешенде жүргізіліп жатқан жаңғырту жұмыстарының жалғасы болды. Бұған дейін, 2025 жылы нысанда жаңғыртудың екі кезеңі сәтті аяқталып, жалпы қуаты 36 МВт болатын үш газтурбиналық қондырғы пайдалануға берілді. Нәтижесінде «Текелі энергокешенінің» белгіленген қуатының жиынтық өсімі 53 МВт-ты құрады. Биыл…