ОКҚ алаңында өткен баспасөз мәслихатында Павлодар облысының әкімі Асайын Байханов «Қауіпсіз қала» жобасы туралы айтып, оны іске асыруға бюджеттен 9 млрд теңге бөлінгенін хабарлады. Аталған жоба жол және қоғамдық қауіпсіздікті күшейтуге, көшедегі қылмыс деңгейін төмендетуге және жол-көлік оқиғаларының санын қысқартуға бағытталған. «Біз бұл қаржыға бағдарламалық қамтамасыз ету сатып алып жатырмыз деген ақпарат тарады. Алайда біз сервистік модельді таңдадық. Яғни, конкурс жеңімпазы болған компаниядан 3 жыл бойы бейнебақылау қызметі мен сүйемелдеу аламыз. Біз жабдықты сатып алмаймыз. Үш жылдан кейін бұл жабдық бізге өтеусіз негізде беріледі. Бұл модель облысты қажетті бейнебақылау камераларымен қамту үшін әзірленді. Павлодар облысы елдегі тас жолдар мен қиылыстарда…
Автор: un_admin
Кездесу барысында қазақстандық тау-кен кәсіпорындарының жапондық компаниямен ынтымақтастығын кеңейту перспективасы қаралды. Мемлекет басшысы Hitachi Construction Machinery компаниясының өңірдегі басты серіктесі саналатын Қазақстан өзара тиімді байланыстарды тереңдетуге дайын екенін атап өтті. Президенттің пікірінше, алдағы уақытта кен орындарының қажеттілігі үшін өндіріс локализациясы мен құрал-жабдықтарды жөндеу ісіне басымдық беру маңызды. Қасым-Жомарт Тоқаев цифрландыру, «жасыл» технологияларды енгізу және дербес көлік жүйесі бірлескен жұмыстың перспективті бағыттары бола алады деп санайды. Масафуми Сэнзакидің айтуынша, компанияның басты мақсаты – жаһандық деңгейдегі, сонымен бірге Қазақстандағы жобаларды жүзеге асыру аясында жоғары технологиялы, төмен көміртекті, қауіпсіз шешімдер әзірлеу әрі оны өндірісте қолдану. Hitachi Construction Machinery – құрылыс және тау-кен техникаларын…
М.Сужиков атындағы №6 орта мектебінде «Ғасыр қанатындағы ғибрат ордасы» атты кітаптың тұсаукесері өтті. Тағылымды шара мектептің бір ғасырлық білім мен тәрбие жолын айшықтаған тарихи-танымдық конференциямен басталып, концерттік бағдарламаға ұласты. Конференция барысында бірқатар белгілі түлектер мен сала мамандары баяндама жасап, мектептің әр кезеңдегі даму жолына тоқталды. Атап айтқанда, Дәулет Омаров – «Қоғамдық келісім» КММ директорының орынбасары, облыстық ҚХА жанындағы ғылыми сарапшылық тобының мүшесі «Қызылорда тарихы: мұрағат пен мұражай қорында» тақырыбында мазмұнды баяндама жасап, өңір тарихы мен білім ордасының сабақтастығын ғылыми тұрғыда тарқатты.
Облыс әкімі Берік Уәлидің төрағалығымен кеңейтілген аппараттық кеңес өтті. Жиында 2025 жылдың әлеуметтік-экономикалық даму болжамы және бюджеттік құрылыс нысандарының сапасына мониторинг жүргізу нәтижелері талқыланды. Кеңеске облыстық басқарма басшылары, өңірлік департамент жетекшілері қатысты. Аудан және қала әкімдері бейнережимде қосылды. Күн тәртібіндегі мәселелер бойынша экономика және бюджеттік жоспарлау басқармасының басшысы Роза Құдайбергенқызы және мемлекеттік сәулет-құрылыс бақылау басқармасының басшысы Сайлауғалы Байназаров баяндады. Ағымдағы жылдың 1 желтоқсанындағы жағдай бойынша негізгі 9 көрсеткіштің 6-ы бойынша оң өсім қалыптасқан. Өнеркәсіп, тау-кен өнеркәсібі және тұрғын үйді пайдалануға беру бағыттарында жыл қорытындысына дейін көрсеткіштерді жақсартуға мүмкіндік бар. Қазіргі уақытта жауапты басқармалар мен аудан, қала әкімдіктері қосымша резервтерді анықтау…
Фото: Ақорда Мемлекет басшысы Қасым-Жомарт Тоқаев 18-20 желтоқсанда ресми сапармен Жапонияға барады, деп хабарлайды Ақорданың баспасөз қызметі. Сапар аясында Император Нарухитомен, Премьер-министр Санаэ Такаичимен, сондай-ақ Жапонияның іскерлік орта өкілдерімен кездесу жоспарланған. Бұдан бөлек, Қазақстан Президенті «Орталық Азия – Жапония» саммитіне қатысады.
Жетісу өңірінде туризм саласы ерекше назарда. Облыс құрылған сәттен бастап бұл салаға мемлекеттік бюджеттен 53 млрд теңге бөлінді. 64 жаңа нысан пайдалануға берілді. Алакөл және Балқаш көлдерінің жағалауын күтіп ұстау үшін екі коммуналдық мекеме ашылды. Жыл сайын өңірге 2 миллионнан астам турист келеді. Олардың келіп-кетуіне және демалуына қолайлы жағдай жасау – басты міндет. Жетісу облысының әкімі Бейбіт Исабаев ОКҚ алаңында өткен баспасөз конференциясында осылай деді. Биыл жаңа «Ақши-Бескөл» электр желісі және қосалқы станциясы іске қосылды. «Жағалауды нығайту бөгеттерінің және кәріз тазарту құрылғысының құрылысы жүргізілуде. Бұл нысандардың құрылысын 2027 жылы аяқтау үшін республикалық бюджеттен қалған қаражат бөлінуі қажет. Балқаш көлінің жағалауына…
Астана қаласындағы №45 мектепте еліміздегі дзюдодан алғашқы мамандандырылған мектеп залының салтанатты ашылуы өтті. Жоба мектеп спортын дамыту аясында Туризм және спорт министрлігі, Оқу-ағарту министрлігі және спорт ұйымдарымен бірлесе жүзеге асырылып жатыр, деп хабарлайды ведомствоның баспасөз қызметі. Дзюдо залының ашылуы Ұлттық ғылыми-практикалық дене тәрбиесі орталығының Халықаралық дзюдо федерациясымен (IJF) өзара іс-қимылы және ҚР Туризм және спорт министрлігінің қатысуымен жүзеге асырылып жатқан Judo in Schools («Мектептегі дзюдо») бағдарламасы аясында өтті. Бағдарлама заманауи жабдықтармен қамтылған, әдістемелік базасы бар мектеп дзюдо залдарының желісін кезең-кезеңімен құруды көздейді. Алғашқы кезеңде №45 мектептің («Келешек мектебі») дзюдо залы заманауи спорт құрал-жабдықтарымен қамтамасыз етілді. Білім беру ұйымына оқушыларға арналған…
2025 жылы энергетикалық инфрақұрылым саласында маңызды нәтижеге қол жеткізілді – көп жылдар бойы жинақталған тозу үдерісі тоқтатылып, активтерді ауқымды жаңғырту кезеңі басталды, деп хабарлайды ҚР Энергетика министрлігі. «Тарифті инвестицияға айырбастау» қағидатын іске асыру инвестициялық белсенділікті арттыруға мүмкіндік берді: электр станцияларындағы жөндеу жұмыстарына бағытталған капиталдық салымдар көлемі 20%-ға өсті. Жүргізілген жұмыстың нәтижелері сенімділіктің нақты көрсеткіштерімен расталады. Ұзақ уақыттан кейін алғаш рет ел бойынша жылу электр орталықтарының жабдықтарының жалпы тозу деңгейі төмендей бастады және 61%-ды құрады. Барлық жоспарланған жөндеу жұмыстарын орындау нәтижесінде Кентау, Риддер және Екібастұз қалаларындағы станцияларды қоса алғанда, тоғыз энергия көзі тәуекел аймағынан шығарылды. Жылу желілерін жаңғырту аясында 323 шақырым…
Мемлекет басшысының тапсырмалары аясында спорттық инфрақұрылымды дамыту бағытында ауқымды жобаларды жүйелі жүзеге асыру жалғасып келеді. Биыл республика бойынша 79 спорт нысаны салынды. Жыл соңына дейін тағы 50 спорт нысанын пайдалануға беру жоспарланып отыр, деп хабарлайды ҚР Туризм және спорт министрлігі. Қазіргі кезде елімізде 912 балалар-жасөспірімдер клубы, 521 мамандандырылған спорт мектебі жұмыс істейді. Онда 700 мыңнан астам жасөспірім спортпен айналысады.
Көлік министрлігі ұшу географиясын кеңейту және халықаралық рейстер санын арттыру бағытында тұрақты жұмыс жүргізуде, деп хабарлайды ведомствоның баспасөз қызметі. Ағымдағы жылдың 15 желтоқсанынан бастап қазақстандық «SCAT» әуе компаниясы Шымкент – Тбилиси бағыты бойынша Грузияға жаңа әуе бағытын іске қосты. Рейстер аптасына 2 рет – дүйсенбі және жұма күндері – «Boeing 737 MAX 8» және «Boeing 737-800» типті әуе кемелерімен орындалады. Аталған әуе қатынасының ашылуы екі ел арасындағы сауда-экономикалық және туристік ынтымақтастықтың одан әрі дамуына ықпал етеді деп күтілуде.