Қазақстанда 2033 жылға дейін табиғи ортаға тағы 10 жолбарыс жіберу көзделген.
Бұл туралы Экология және табиғи ресурстар министрі Әлібек Қуантыров мәлімдеді. Алайда оның айтуынша, жоспар жануарлардың жаңа аумаққа бейімделуіне және өзге де факторларға байланысты жүзеге асады.
Министрдің сөзінше, жолбарыстардың табиғи жолмен көбейіп, өздігінен таралуы үшін олардың саны шамамен 50 басқа жетуі керек.
Бұл межеге алдағы 15-20 жылда жету жоспарланған. Дегенмен мақсатқа одан да ертерек қол жеткізу мүмкіндігі бар.