Судың қадірі барлығымыз үшін маңызды. Бүгінгі күні ауыз су тапшылығы қазіргі заманның жаһандық өзекті мәселесіне айналып отыр. Осы орайда, тіршілік көзін үнемдеу үшін, тұрғындардың ауыз суды тек тұрмыстық мақсатқа пайдалануына және ауыз суды бау-бақша, құрылыс жұмыстарына пайдаланбай су есептегіш құралын орнатып, суды үнемді әрі ұтымды пайдалану жөнінде ақпараттық түсіндірме жұмыстары жүргізілуде.
Тұтынушылар пайдаланған ауыз су және кәріз суға көрсетілген қызметтеріне уақытылы төлем жүргізуі қажет. Алайда, «Су жүйесі» мекемесі бойынша 83518 жеке тұлға тұтынушыларының 44,9% су ақысын тұрақты түрде төлесе, қалған 55,1 % төлем жасамаған. Аталған мәселе бойынша суды үнемдеу және рұқсатсыз қосылған тұтынушыларды анықтау үшін рейд жұмыстары тұрақты түрде жүргізіліп, нәтижесінде:
— 2024 жылдары орталық ауыз су жүйесіне рұқсатсыз қосылган 137 тұтынушыға, 3 582 093,41 теңгеге, су есептегіш құралынан тыс 2 ауыз су желісін пайдаланып отырған 50 тұтынушыға 1 405 634,12 теңгеге тексеру актісі жазылып қайта есептеме жүргізілді.
— 2025 жылдың 7 айы бойынша орталық ауыз су жүйесіне рұқсатсыз қосылган 47 тұтынушыға, 1 610 393,55 теңгеге, су есептегіш құралынан тыс 2 ауыз су желісін пайдаланып отырған 41 тұтынушыға 1 832 239,23 теңгеге тексеру актісі жазылып қайта есептеме жүргізілді.
Құрметті қала тұрғындары!
Су – тіршілік көзі. Ауыз суды тек тұрмыстық қажеттілікке пайдаланып, бау-бақша суаруға, құрылыс және шаруашылық мақсаттарға қолдануға жол бермеу – әрбіріміздің ортақ міндетіміз.
Суды үнемдеу мақсатында су есептегіш құралдарын орнатып, суды ысырап етпей пайдалану – қоршаған ортаны қорғауға және келер ұрпаққа таза су қорын сақтауға бағытталған маңызды қадам.
Осыған орай, қала тұрғындарын ауыз суды мақсатты түрде пайдалануға; бау-бақша суаруға, құрылыс және шаруашылық мақсаттарға қолдануға жол бермеуге; су есептегіш құралдарын орнатуға және олардың дұрыс жұмысын бақылауға шақырамыз.
Табиғат – бәрімізге ортақ. Су ресурстарын ұтымды пайдалану – әр азаматтың борышы.
