1 шілдеден бастап мемлекеттік гранттарды беру және мониторинг жүргізу қағидаларының жаңартылған редакциясы күшіне енді. Жаңа тәсілдер рәсімдерді жеңілдетіп, ашықтықты арттырып, үкіметтік емес ұйымдарға жобалардың мазмұнына назар аударуға мүмкіндік берді. Нәтижесінде үкіметтік емес ұйымдардан түскен өтінімдер саны 7,7% артты, ал бір грантқа келетін бәсеке 16,9 өтінімге дейін жетті. Бұл азаматтық сектордың мемлекеттік қолдау тетіктеріне сенімінің жоғары екенін көрсетеді.
Гранттық қаржыландыру нақты әлеуметтік нәтиже көрсетуде. Жыл сайын мүмкіндігі шектеулі тұлғалардың жұмысқа орналасуына жағдай жасалуда. Түрлі мақсатты топтарға арналған 500-ден астам оқыту іс-шарасы өткізіледі. 3000-ға жуық азамат еңбек нарығында сұранысқа ие дағдыларды меңгеруде.
Мемлекет пен үкіметтік емес сектор арасындағы әріптестікті нығайту мақсатында Жетісу, Жамбыл, Ақмола және Солтүстік Қазақстан облыстарында форумдар өткізілді. Оған мыңнан астам үкіметтік емес ұйым өкілдері қатысты. Кездесулердің қорытындысы бойынша жүзден астам практикалық ұсыным әзірленді. Бұл жұмыстың қорытынды кезеңі — XII Республикалық Азаматтық форумы, ол қазан айында Астана қаласында өтеді. Форумға азаматтық қоғам, мемлекеттік органдар, бизнес және халықаралық сарапшылар шақырылып, 700-ден астам қатысушы жиналады.
Қоғамдық бақылауды дамытуда Қоғамдық кеңестер маңызды рөл атқарады. Бүгінде елімізде 264 қоғамдық кеңес қызмет атқарады, оның 36-сы республикалық деңгейде. Кеңес құрамына 4 мыңға жуық белсенді азамат енген. Биылғы жартыжылдықта қоғамдық кеңестер 1500-ден астам нормативтік құқықтық акт жобасын қарап, 200-ден астам қоғамдық тыңдау және 300-ге жуық мониторинг жүргізді.
Сондай-ақ, қоғамдық кеңестер «Таза Қазақстан» республикалық экологиялық акциясын қолдап, өңірлерде 65-тен астам іс-шара өткізді. Бұл тексерістермен туристік нысандар, жасыл аймақтар, жер қойнауын пайдалану орындары мен рұқсатсыз қоқыс тастайтын орындар қамтылды.
Қоғамдық кеңестердің жұмысы ақпараттық сүйемелдеу KAZKENES.KZ бірыңғай интернет-платформасы арқылы жүргізілуде. 2025 жылдың алғашқы жартыжылдығында сайтты 1,5 миллионға жуық адам пайдаланған. Платформа азаматтық қоғаммен ашық диалог орнатуда маңызды құралға айналды.
Мемлекеттік әлеуметтік тапсырысты және қоғамдық бақылау институтын дамыту Қазақстанның үкіметтік емес ұйымдарды қолдауға және азаматтардың шешім қабылдау процесіне қатысуға бағытталған стратегиялық ұстанымын айқындайды.