Әнші Сәкен Майғазиев ұлының үйлену тойын онлайнан көргісі келетіндерге тіркеу ашып, 1380 теңгеге сатты, деп хабарлайды оны ты, деп хабарлайды Аikyn.kz сайты. Әнші тойға онлайн тіркелуге болатыны жайында өзінің Instagram парақшасында жазды.
«Әділет пен Әдияның тойына онлайн қонақ болу үшін тіркелу басталды» деп жазды ол өзінің Instagram парақшасында.
Тойды онлайн трансляция арқылы көру үшін әр адам 1380 теңге төлеуі керек екен. Оның бұл қылығын оқырмандар сынға алды.
«Масқара, Сәкен Майғазиев бұлай жасайды деп ойламаппын», «сендер арқылы ақша таппақшы, шығынды жабу керек», «сорлылар-ау», «сөз жоқ», «ойбай, тоймай жатыр ғой, жеке бас қуаныштарын да жарнамалап сату керек», — деген пікірлер жазылған.
Бұған дейін әнші қуанышты бөлісіп, тойға келетіндердің қарасы өте көп екенін айтқан. Тіпті «жай тойда жүрейікші» деп хат жазып жатқандар да бар екен.
«Аллаға шүкір өз аузымыз өз қолымызға жетіп, шамамыз да жетеді той жасауға. Алайда осыншама адамның тілектес болып атсалысады деп үш ұйықтасам түсіме кірмепті. Алла разы болсын бәріне, қаншалықты лайықтымын осындайға. «Сәкен аға, сіздің де шарапатыңызды, шапағатыңызды көп көрдік», деп жатқан асыл азаматтарымыз, қарындастарымыз көп екен. Бізге келіп жеткен толассыз хаттар «бізді де шақыра салыңыздаршы», «жай тойда жүрейікші» деген жүз шақты хат келді. Дайректіме де, ватсапқа да жазып жатыр. Мейрамхана 700-800 адамға ғана арналған. Алайда біз жай қатысқымыз келеді» деп жатқандар бар», – деді әнші.
Айтар болсақ, жақында әншінің ұлы шаңырақ көтеріп, келінін ұзатып алды. Қыздың ерекше ұзату тойы көптің талқысына түсті. Сәкен Майғазиевтің келіні ұзату тойында ақ кілемге отырғызылып шығарылды. Жұлдыздың отбасы дүркіретіп той жасап, мерекеге 700 адамның шақырылғанын айтылды.