Оның айтуынша, шегіртке зиянкестеріне қарсы бақылау және қорғау шараларын жүзеге асыру бойынша жұмыстар басталды.
«Қазіргі уақытта 1 млн 485 мың гектар жер зерттеліп, оның 572 мың гектар алаңында шегірткелер қоныстанған, оның ішінде 400 мың гектар алаңы өңдеуге жатады. Нақты химиялық өңделген алаң – 397 мың гектар. Бүгінде Жамбыл, Түркістан, Жетісу және Қызылорда облыстарында өңдеу жұмыстары жүргізіліп жатыр», – деді спикер.
ҚР АШМ Агроөнеркәсіптік кешендегі мемлекеттік инспекция комитетінің Өсімдіктерді қорғау басқармасының басшысы Алмат Сүлейменов шегірткелердің таралу қаупі мен өңдеу жүргізілетіні туралы халыққа қалай хабарланатынын айтты.
«Қай жерде және қай уақытта өңдеу жүргізілетіні туралы халыққа жергілікті БАҚ, әлеуметтік желілер арқылы ескертіледі. Бұл уақытта тұрғындар ол жерде болмауы керек, омарташылар ол аумаққа араларды орналастырмауы қажет және мал жүрмеуі керек», – деді басқарма басшысы.