Алматы әуежайында қызметкерге шабуыл жасаған азаман осыған дейін автобуста қызды соққыға жыққан екен. Бұл ақпаратты Алматы полициясы растады. Тіпті, сол кезде оны бір жылға бас бостандығын шектеу жазасы тағайындалған еді.
Алматы полиция департаментінің баспасөз қызметінің хабарлауынша, бұл азаматтың екі іске де қатысы бар.
«Қоғамдық көліктегі оқиғадан кейін Алмалы аудандық полиция басқармасына қарасты полиция бөлімі қылмыстық іс қозғады. Күдікті ұсталып, уақытша ұстау изоляторына қамалды. Сот тергеу барысында бұлтартпау шарасы ретінде үйқамаққа алу шарасын таңдады. Сотқа дейінгі тергеу аяқталғаннан кейін қылмыстық іс материалдары сотқа жолданды. Өткен жылдың желтоқсан айында сот ер адамды бір жылға бас бостандығын шектеу жазасына кескен», — делінген Алматы полиция департаментінің баспасөз қызметінің хабарламасында.
Естеріңізге салсақ, шабуылшыны тоқтатқан азамат әнші Бағлан Әбдірайымовтың ағасы болып шыққанын жазған болатынбыз.
www.istockphoto.com