Жиында партияның 2023-2027 жылдарға арналған «Халықпен бірге!» сайлауалды бағдарламасының 2024 жылдың қорытындысы бойынша іс-шаралардың орындалуы қаралды.
Отырысқа ZOOM конференциясы арқылы өзіммен бірге партияның облыстық филиалы жанындағы Экологиялық кеңес төрағасының орынбасары Светлана Қожамбердиева, облыстық табиғи ресурстар және табиғат пайдалануды реттеу басқармасының басшысы Серік Сермағамбетов қатысты.
2024 жылы өңірде Сайлауалды бағдарлама 91,4 пайызға орындалды.Экологиялық жағдайды жақсатруға бағытталған жұмыстарға келсек, Арал теңізі құрғаған ұлтанына 276,2 мың га көлемнің 100 мың гектарын облыстық деңгейде оның ішінде: көктемде 50 мың га жерге (15 млн. дана) сексеуіл көшеті отырғызылды, күзде 50 мың га жерге (217,5 тонна) галофитті тұқымдар себілді. Бүгінгі күні республика есебінен 27 мың га жеріге фитоорманмелиорациялық жұмыстары жүргізілді.
Бағдарламада қалдықтарды өңдеу және кәдеге жарату үлесін 2027 жылға дейін 33,6 %-ға дейін ұлғайту көзделген болатын. Бұл бағытта өткен жылдың ІV-тоқсанында облыс бойынша жинақталған 303050 тонна тұрмыстық қатты қалдықтардың 91218 тоннасы өңделіп, пайыздық үлесі 30,1% құрады.
Қалдықтарды жинау, сұрыптау және өңдеу саласында 17 кәсіпкерлік субъектілері жұмыс жасауда. Қатты тұрмыстық қалдықтарды бөлек жинауды, сұрыптауды және қайта өңдеуді енгізу нәтижесімен көмілетін қалдықтар көлемі қысқаруда. «Адима» жеке кәсіпкері Жалағаш кентінде картон қалдықтары мен макулатурадан эковата шығаруда. «Қызылорда Қағазы» ЖШС макулатура, қартон қалдықтарын жинақтап, қағаз өнімдерін (әжетхана қағазы) шығаруда. «Қарасақал» жеке кәсіпкерлігі Қызылорда қаласы, Тасбөгет кентінен макулатура, қартон, пластмасса, пластик қалдықтарын қабылдауда. «Абай-Даулет» ЖШС-мен пластик бөтелкелерін сұрыптап, жинақтауды жүзеге асыруда.
Бағдарлама аясындағы жұмыстар алдағы уақытта да жалғасын табатын болады.