Ол өз жазбасында белсендінің сөздерін негізсіз деп танып, оның бұл әрекетін қазақ қоғамы мен ұлттық құндылықтарға жасалған құрметсіздік ретінде бағалады. Қазіргі уақытта бұл мәселе желі қолданушылары арасында үлкен пікірталас тудырып отыр.
Ибрашев өз мәлімдемесінде Біләштің ұлттық тұлғаны сынауға моральдық құқығы жоқ екенін айтып, оны қолдайтын ортаға да күмәнмен қарайтынын жасырмады. Ол өз сөзінде:
«Мұндай адамды қазақ деп айтуға ұяламын… Мұхтар Шахановты сынайтындай сен кім едің? Оның қазақ үшін жасағанының бір пайызын да жасаған жоқсың», – деп кесіп айтты.
Сонымен қатар, журналист Серікжан Біләштің бұрынғы іс-әрекеттері мен өткен жолына да тоқталып, оның қазіргі ұстанымына қатаң сын білдірді. Оның пайымдауынша, ұлттық деңгейдегі тұлғаларға қатысты мұндай бейәдеп пікірлер қоғам ішінде іріткі салуға алып келеді. Ибрашевтің бұл жазбасы желіде тез тарап, көптеген оқырманның қолдауына ие болды.