2025 жылдың 30 қыркүйегінде Қызылорда медициналық жоғары колледжінің мәжіліс залында Қоғамдық даму басқармасының «Ерлік – елге мұра, ұрпаққа ұран» жобасы аясында «Ерлік пен патриотизм – ұлттық бірліктің негізі» атты облыстық конференция ұйымдастырылды. Шараға әскери қызметкерлер, ардагерлер, ұстаздар және студент жастар қатысты.
Конференция барысында ұлттық бірлікті нығайтудағы ерліктің маңызы, елді қорғау – қасиетті борыш екені кеңінен айтылды. Алғы сөз сөйлеген 5547 әскери бөлімінің капитаны Бекзат Бегалы әскери қызметтің жас ұрпаққа өнеге боларлық құндылық екенін атап өтіп, сарбаздарға жасалып отырған әлеуметтік қолдауларға тоқталды. Ол жастарды Отан алдындағы борышын адал өтеуге шақырды.
Сонымен қатар, азаматтық қорғау майоры Олжас Тұрсынбайұлы құтқарушылардың ерлігін, теолог Бақтияр Есенгелдіұлы елдік пен руханияттың байланысын, ардагер Жұмабек Алиханұлы тарихи жадыны қастерлеудің маңызын айрықша атап өтті. Ал колледж директорының орынбасары Сыргүл Тұтқабайқызы жастар бойында патриоттық рухты қалыптастырудағы ұстаздардың рөліне назар аударды.
Шара соңында елге еңбегімен үлгі болған азаматтарға облыстық Қоғамдық даму басқармасының басшысы Руслан Каюповтың атынан алғыс хаттар табысталды. Конференция жастарға арналған арнаумен қорытындыланып, «Отанды қорғау – парыз, тарихтан тағылым алу – міндет, ерлікті қастерлеу – ұлттық рухтың мәңгілік ұстанымы» деген тұжырым жасалды.
Жиын соңында қатысушылар естелік суретке түсіп, тағылымды шараның мәнді сәттерін есте қалдырды.
