Онлайн-платформалар біздің жаңалықтар лентамыз бен күнделікті ақпараттық кеңістігімізді басқарып, нені көретінімізді анықтайды: сарапшы пікірі ме, көңіл көтеретін видео ма, әлде манипуляциялық жазба ма. Алгоритмдер пайдаланушылардың назарын ұстап қалуға тырысады, сондықтан көбіне жағымсыз, даулы немесе арандатушылық контент кеңінен таралады. Нәтижесінде «ақпараттық көпіршік» қалыптасып, шынайылық бұрмаланады, әрі манипуляцияға бейімділік артады.
Шығарылымда мына мәселелер қарастырылды:
- TikTok, YouTube, Telegram, Instagram және Threads алгоритмдері қалай жұмыс істейді;
- неліктен «негатив» кеңінен таралады;
- алгоритмдер жабық әлем иллюзиясын қалай қалыптастырады;
- пайдаланушыға «ақпараттық көпіршікті» бұзып, объективтілікті сақтауға қандай қадамдар көмектеседі.
Жалған ақпаратқа қарсы іс-қимыл орталығы әрбір адамның өз ақпараттық кеңістігіне ықпал ете алатынын ерекше атап өтеді. Ақпарат көздерінің алуан түрлілігін, сыни ойлау және бастапқы дереккөзге мұқият қарау тәуелсіздікті сақтап, әлемді шынайы қырынан көруге мүмкіндік береді.
Толық шығарылымды Орталық коммуникациялар қызметінің ресми ресурстарынан көре аласыз.