Ветеринариялық қауіпсіздікті қамтамасыз ету мақсатында, ҚР АШМ ВБжҚК-нің Қызылорда облыстық аумақтық инспекциясының басшысы Е.Апетов, Қызылорда қалалық аумақтық инспекциясының басшысы У.Қуланбаев, «Тамақ өнімдерінің қауіпсіздігі және орны ауыстырылатын объектілер» бөлімінің басшысы Ж.Бегимов Қызылорда қаласындағы «Айтбек», «Сұлтан», «Отырар», «Ақ-барыс» «КЗО ет» сауда үйлеріндегі ет және ет өнімін сататын орындарды аралап, жұмыс барысымен танысты.
Сонымен қатар жеке және заңды тұлғаларға адам мен жануарларға ортақ аурулардың алдын алу бойынша түсіндірме жұмыстарын жүргізді.
Қоғамдағы күн тәртібінен түспейтін өзекті мәселелердің бірі — тамақ өнімдерінің қауіпсіздігі. Осыған байланысты, ауыл шаруашылығы жануарларын қадағалау жүйесін жетілдіру, тамақ өнімдерінің қауіпсіздігін қамтамасыз ету мақсатында, ауыл шаруашылығы жануарларын бірдейлендіру ақпараттық жүйесінде «Етті ветеринариялық-санитариялық сараптау» модулінің серпінді жобасы өңірімізде жүзеге асырылуда. «Етті ветеринариялық – сараптау» жаңа модулінің арқасында ауыл шаруашылығы жануарларын бірдейлендірудің ақпараттық жүйесінде сойылған жерлердегі сараптама актісімен және жануардың толық тіршілік циклі туралы ақпараты бар QR-кодты қалыптастырумен 1 және 2 нысандағы анықтамаларды беру процесі цифрландырылды. Тұтынушылар сатып алынған ет ұшасының толық ақпаратымен қалыптастырылған QR код арқылы танысады.
«Етті ветеринариялық-санитариялық сараптау» модулінің тиімділігі QR-кодты ашу арқылы, сойылған ет ұшасының толыққанды мәліметін бір жерден көре алады және жұмыс барысында уақытты ұтымды пайдаланады.