Қазақстан Ішкі істер министрлігі елде алаяқтықтың жаңа түрі пайда болғанын хабарлап, тұрғындарды сақ болуға шақырды, деп жазады Egemen.kz.
Министрліктің мәліметінше, қазір өздерін Қаржы министрлігінің қызметкері ретінде таныстыратын алаяқтар көбейген. Олар азаматтарға қоңырау шалып, «декларация тапсыру мерзімі өтіп кетті» деп қорқытады және «есепшоттарыңыз бұғатталады» деп сендіреді. Кейін мәселені «үш күн ішінде шешуге көмектесеміз» деп уәде беріп, телефонға келген СМС-кодты айтуын сұрайды.
Алайда азамат смс-кодты айтқан сәтте, алаяқтар оның банк шотына кіріп, ақшасын иемденіп алады.
ІІМ тұрғындарға ресми мекемелер ешқашан смс-код немесе жеке деректерді сұрамайтынын, сондай-ақ «мәселені шешіп береміз» деген уәделердің алаяқтық әрекет екенін ескертті.