Өскеменде екі жыл бұрын 600 млн теңгеге жөнделген көпір құлап қалды.
Өскеменде Шнайдар көпірінің бір бөлігі опырылып түсті. Бұған дейін оның жөндеу жұмыстарына 600 миллион теңге бөлінген еді. Қала әкімдігі оқиға орнында барлық қажетті қызметтер жұмыс істеп жатқанын және жергілікті деңгейде төтенше жағдай режимі енгізілгенін хабарлады.
Өскемен әкімі Алмат Ақышев кейінгі үш күн бойы жауын-шашын мол жауып, өзен деңгейі көтерілгенін айтты.
«Кінәлілер анықталса, заң аясында қатаң жауапқа тартылады. Қазір мердігер компания оқиға орнында, кепілдік бойынша көпірді қалпына келтіру жұмыстарын жүргізеді. Бұл көпір қаладағы көлік жүктемесін азайтатын маңызды нысан болғандықтан, оны 2-3 ай ішінде қайта іске қосуға тырысамыз. Қазір комиссия құрылды, енді нақты себептерін солар анықтайды», – деген Ақышев.
Әкімнің айтуынша, бұл көпір қаланың көлік логистикасындағы жүктемені айтарлықтай азайтып келген. Сондықтан көпірді қайта қалпына келтіру жұмыстары екі-үш ай ішінде аяқталуы жоспарланып отыр.
Айта катейік, көпірдің құлауына өзен суының көтеріліп, ағаштың жиналып қалуы және көпірдің тозуы себеп болған. Аталған көпірге 2023 жылы 600 млн теңге бөлініп жөндеуден өткен еді. Жөндеуді «LLC ASIA» ЖШС жүргізген