Былтыр Жаңақорған ауданы бойынша 35 мың гектарға ауыл шаруашылығы дақылдары егіліп, мерзімінде толық жиналды. Негізгі дақыл күріш 7545 гектарға егіліп, әр гектарынан 56 центнерден өнім алынды. 42 мың тонна өнім жиналған. Осы және өзге де атқарылған жұмыстар туралы Өңірлік коммункациялар қызметінің баспасөз алаңында аудан басшысы Мәжит Самитов баяндады.
«Облыс әкімінің тапсырмасына сәйкес 2024 жылы отбасылық егістіктерге 400 гектар жер беріліп, 805 отбасы өздеріне қажетті көкөніс-бақша дақылдарынегіп, өнімдерін жинап алды. 2024 жылдың егісіне 4,6 мың тонна минералды тыңайтқыш пен 2,2 тонна арам шөптерге қарсы қолданатын гербицидтер пайдаланылды. Ауданда егістік алқаптарды тұрақты аяқ сумен қамтамасыз ету үшін 2024 жылы барлық бюджеттерден 1,3 млрд теңге қаржы бөлінді», — дейді Мәжит Самитұлы.