17 желтоқсан күні «Өнер орталығында» Энергетиктер күні мерекесіне орай «Су жүйесі» МКК бас инженері Баярыстанов Наурыз Елубайұлы, Мемлекет басшысының жарлығымен “Ерен еңбегі үшін” мемлекеттік наградамен марапатталды.
Баярыстанов Наурыз Елубайұлы — 1967 жылы Қызылорда облысы, Жалағаш ауданында дүниеге келген. 1986-1991 жылдар аралығында Жамбыл жеңіл және тамақ өнеркәсібі технологиялық институты «Астықты сақтау және өңдеу технологиясы» мамандығын бітірді. 1991-1999 жылдар аралығында «Ақжарма» А.Қ сілесір-жөндеуші, 2004-2008 жылдар аралығында ШЖҚ «Қызылорда су жүйесі» МКК –да аварияны қалпына келтіру группасының бастығы, 2010 жылы «Мұнайшы, Саяхат, Саулет» аудандарына қызмет көрсету үлескісінің бастығы, 2010-2012 жылы Су құбырына қызмет көрсету аумағының бастығы, 2012-2013 жылдары Оңалту басқарушысының өндірістік мәселе жөніндегі орынбасары, 2013 жыл Бас тоған ғимаратының бастығы, 2013-2015 жылдары Кәсіпорын басшысының жалпы мәселелер жөніндегі орынбасары, 2015-2017 жылдары Бас инженер, 2017-2018 жылдары Су құбыры жүйесін пайдалану және қызмет көрсету аумағының бастығы, 2018 жыл Бас инженердің орынбасары, 2018-2019 жылдары Тасбөгет аумағына қарасты кәріз су тазалау станса бастығы, 2019 жылы Ауыз су және кәріз су жүйлерін пайдалану бойынша директордың өндіріс жөнінде орынбасарының көмекшісі, 2019 жыл Орталық кәріз насос стансаларының пайдалану аумағының бастығы, 2019-2020 жылы Өндірістік-техникалық бөлімінің бастығы, 2020 жылдың маусым айынан бастап ШЖҚ «Қызылорда су жүйесі» МКК- бас инженер лауазымында қызмет атқаруда.
Баярыстанов Наурыз Елубаевич — қабілетті, білімді, жұмысқа деген ынтасы зор. Жұмыс атқарған уақытында өз ісін жетік білетін, тәжірибелі қызметкер және басшы ретінде көшбасшы ретінде көрсете білді. Кәсіпорын мен серіктестіктегі қызметкерлер мен әріптестер арасында беделді, үлгілі, ұйымдастырушылық қабілеті мол.
Әріптесімізді бүгінгі мерейлі қуанышымен Қызылорда «Су Жүйесі» мекемесінің ұжымы шын жүректен құттықтайды.