Орталық сайлау комиссиясы бүгін «Әділет» партиясының Құрылтай сайлауына қатысу үшін ұсынған партиялық тізімін тіркеді.
Тізімде барлығы 186 кандидат бар. Оның ішінде 72 әйел, 114 ер адам тіркелген. Кандидаттардың орташа жасы – 45 жас.
Партиялық тізімде заңгерлер, ғалымдар, кәсіпкерлер, педагогтер, медицина мамандары, цифрлық технология, ауыл шаруашылығы, өнеркәсіп, мәдениет және қоғамдық сектор өкілдері бар. Олар партияның сайлауалды бағдарламасына сәйкес сайлауға қатысады.
Айта кетейік, «Әділет» партиясын Әділет министрлігі 2026 жылғы 1 маусымда тіркеген болатын. Бұл – партияның Құрылтай депутаттарын сайлауға алғаш рет қатысуы.
Ал Құрылтай депутаттарының сайлауы 2026 жылғы 23 тамызға белгіленген. Агитациялық кезең басталғаннан кейін партия өкілдері еліміздің барлық өңірінде сайлаушылармен кездесулер өткізуді жоспарлап отыр.