Оның айтуынша, қазір облыс әлеуметтік азық-түлік тауарларының 4 түрі бойынша өзін-өзі қамтамасыз етіп отыр. Ал, келесі жылы қосымша 2 тауар түрімен ішінара қамтамасыз ету жоспарлануда. «Ауыл аманаты» жеңілдетілген несиелендіру бағдарламасы аясында биыл 700 млн теңге сомасына 100 жоба қаржыландырылды. Ұлытау облысы құрылғалы бері ауыл шаруашылығы саласына 8,5 млрд теңге инвестиция тартылған. Ал биылдың өзінде құйылған инвестиция көлемі – 2,5 млрд теңге.
«Жыл басынан бері жаңа нысандарды құру және істеп тұрған нысандарды кеңейтудің арқасында 2200 жұмыс орны құрылды. 8200 адам жұмысқа орналастырылды. Жұмыссыздық деңгейі – 4,1. Орташа айлық жалақы 7,5%-ға өсті. Он айдың қорытындысы бойынша атаулы әлеуметтік көмек алатын отбасылар саны 3,1%-ға азайды. Жұмысшылар жылы аясында бірқатар шара өтті. Оның аясында жұмысшы мамандықтардың абыройын арттыру, кадр даярлау, жұмыс берушілермен өзара іс-қимыл жүзеге асырылуда», – деді спикер.
2025 жылы Жезқазған қаласында 380 орындық екі мектеп, 805 орындық 3 балабақша қолданысқа берілді. Биыл өңірде ерекше күтімді қажет ететін балалар ата-аналарының өтініші бойынша алғаш рет аутизмі бар балаларды қолдау орталығы ашылды. 7 мектеп жөнделіп, 28 пәндік кабинет сатып алынды. Биыл 2,6 млрд теңгеге 2 мектеп құрылысы аяқталады деп күтілуде. 2 балабақша құрылысы жоспарланған. Сонымен қатар демеушілік қаражат есебінен биыл Жезқазғанда 250 орындық оқушылар сарайының құрылысы басталды. 2026-2027 жылдар аралығында Жезқазған қаласында 1 200 орындық BINOM мектебінің құрылысы, 400 ұл балаға және 400 қыз балаға арналған «БІЛІМ ИННОВАЦИЯ» мамандандырылған лицейі мен 300 орындық екі интернат-жатақханасын салу жоспарлануда. Айта кетерлігі, 2025 жылы «Алтын белгі» иегерлері 2 есе өсіп, 74 түлекке жетті.
Облыс құрылғаннан бері денсаулық сақтау ұйымдарының материалдық-техникалық жабдықталуы 88%-ға жеткізілді. Барлығы 333 медициналық жабдық сатып алынды, оның 96-сы биыл алынған. Ұлытау облысының бюджеті есебінен 32 резидент тегін білім алуда. Осы жылы өңірге жаңадан келген 25 медицина қызметкеріне 170 млн теңге көлемінде көтерме жәрдемақы төленді. Сондай-ақ 15 дәрігер қызметтік үймен қамтамасыз етілді. Жалпы облыс құрылғаннан бері «Ауылдық денсаулық сақтауды жаңғырту» ұлттық жобасы аясында 20 медициналық нысанның құрылысы аяқталды, оның жетеуі биыл жыл соңына дейін беріледі.
2025 жылдың үшінші тоқсанының қорытындысы бойынша өңірде өлім саны 3,7%-ға, бала өлімі 44,6%-ға, туберкулезбен сырқаттанушылық 12,8%-ға төмендеді.