Жалағаш индустриалды-аграрлық колледжі заман талабына сай кәсіби мамандар даярлауда жүйелі жұмыстар жүргізіп келеді. Колледж АШМ 24/1 топ студенттері қазіргі таңда әлеуметтік серіктестік аясында “Таң LTD” ЖШС кәсіпорнында дуалды оқыту жүйесімен өндірістік тәжірибеден өтуде.
Дуалды оқыту – білім мен тәжірибені ұштастырудың тиімді тәсілі. Бұл жүйе арқылы студенттер теориялық білімін нақты өндіріс орнында бекітіп, кәсіби дағдыларын жетілдіреді.
Колледждің ауыл шаруашылығын механикаландыру, электрмен жабдықтау, тамақтандыруды ұйымдастыру, дәнекерлеу ісі және басқа да бағыттарында оқитын студенттер еңбек нарығында сұранысқа ие білікті маман болуға мүмкіндік алуда.
Мақсат – жастарды заманауи технологиямен жұмыс істей алатын, өз ісінің шебері ретінде қалыптастыру.
“Таң LTD” ЖШС және басқа да серіктес кәсіпорындармен тығыз байланыс – студенттердің жұмысқа орналасуына жол ашады.
Жұмысшы мамандық – жыл таңдауы!
Қазіргі қоғамда жұмысшы мамандықтарының маңызы артып келеді. Өндіріс, ауыл шаруашылығы, құрылыс, электр және қызмет көрсету салаларында білікті кадрларға сұраныс жоғары. Осы орайда Жалағаш индустриалды-аграрлық колледжі еңбек нарығының талаптарына сай, ел дамуына үлес қосатын нағыз кәсіби мамандар даярлауды жалғастыруда.
Жұмысшы мамандық – елдің тірегі, еңбектің мерейі!
