2025 жылғы 29-30 қыркүйек күндері Арал ауданында Республикалық ақпараттық-түсіндірме тобының мүшесі, теолог Бақтияр Есенгелдіұлының қатысуымен бірқатар маңызды іс-шаралар ұйымдастырылды. Бұл шаралар Арал аудандық қоғамдық даму бөлімінің «Арал ауданы көлемінде діни экстремизм мен терроризмнің алдын алуға бағытталған насихаттық шараларды ұйымдастыру» әлеуметтік жобасы аясында және «Асыл Мұра-Орда» қоғамдық қорының қолдауымен өтті.
Іс-шаралардың негізгі мақсаты – өңір тұрғындары арасында діни сауаттылықты арттыру, жастарды радикалды ағымдардың ықпалынан сақтау және қоғамда бейбітшілік пен тұрақтылықты нығайту.
Аталған кездесулер төтенше жағдайлар бөлімі, аудандық полиция бөлімінің қызметкерлері, жастар және аудан тұрғындарының қатысуымен өтті. Теолог Бақтияр Есенгелдіұлы қатысушыларға жат ағымдардың қоғамға тигізетін зияны, деструктивті идеологияның таралу жолдары және одан сақтану тәсілдері туралы кеңінен түсіндіріп берді.
Шара барысында тұрғындар көкейлеріндегі сұрақтарын қойып, ашық пікір алмасуға мүмкіндік алды. Осындай түсіндірме жұмыстары аудандағы діни тұрақтылықты сақтау мен жастарды рухани тұрғыда қолдауға бағытталған нақты қадамдардың бірі болып табылады.
Іс-шара соңында қатысушылар ұйымдастырушыларға алғыстарын білдіріп, мұндай кездесулердің маңыздылығын атап өтті.
