Алматы қаласы Ішкі саясат басқармасының «Азаматтық борыш» жобасы аясында ауған соғысы ардагерлері мен студенттер қаладағы Ұлы Отан соғысы батырларына, Ауғанстандағы интернационалдық борышын өтеу кезінде қаза тапқан қазақстандық жауынгерлерге арналған ескерткіштерге гүл шоқтарын қойды.
Ауған соғысы ардагерлері Аят Валиахметов пен Ержан Шалқарбаев бастаған, студент жастар қостаған топ алдымен «Халық қаһарманы» Бауыржан Момышұлының ескерткішіне тағзым етті. Ескерткіштің алдында Мәскеуді қайсарлықпен қорғаған батырдың ерліктері туралы айтылды. Одан кейін гүл қою рәсімі генерал Иван Панфиловтың ескерткішінде жалғасты. Түске дейінгі тағзым ауған соғысы жауынгерлеріне арнап қойылған ескерткіш алдында аяқталып, жиналғандар соғыс құрбандарын бір минуттық үнсіздікпен еске алды.

Түстен кейін қолына гүл шоқтарын ұстаған топ шығыстың қос жұлдызы Әлия Молдағұлова мен Мәншүк Мәметованың, Кеңес одағының екі мәрте батыры атанған ұшқыш Сергей Луганскийдің рухтарына тағзым етті.
Ардагер Аят Валиахметов іс-шара кезінде жастарға «Соғыс ең сұрапын қасірет түріне жатады. Өйткені мұнда адамды адам өлтіреді. Соғыстарда жазықсыз мерт болғанда мен майдан даласында шейіт болғандарды Құдай алдынан жарылқасын» деді. Ол снымен қатар жастарды білімді, отаншыл болуға шақырды.
«Social project management» орталығы

