Әділет министрлігі азаматтарға құқықтық кеңес беретін ЖИ-агентті іске қосты, ол «Әділет» сайтында қолжетімді.
«Сіз сайтқа кіріп, кез келген сұрақ қойып, заңгерлік кеңес ала аласыз. ЖИ-агенті қазірдің өзінде 170 мыңнан астам өтінішті өңдеді. Біз азаматтарға тұрақты құқықтық көмек көрсетілгенін қалаймыз», – деді Бекболат Молдабеков.
Вице-министрдің айтуынша, «Ашық НҚА» сайтында жарияланған заң жобаларын оқитындар өте аз.
«Ашық НҚА» порталында азаматтар заң жобасының мазмұнымен оны қабылданғанға дейін таныса алады. Егер келіспесе, өз пікірін қалдыруға мүмкіндігі бар. Қазір бұл порталды негізінен заңгерлер мен мемлекеттік қызметшілер белсенді пайдаланады. Біз қарапайым азаматтардың да сайтқа жиі кіріп, өздерін қызықтырған сұрақтарды қоюын қалаймыз. Болашақта бұл салаға да жасанды интеллект енгізу жоспарлануда, ол заңның азаматтарға қалай әсер ететінін қарапайым тілмен түсіндіреді», – деп түсіндірді спикер.
Сонымен қатар ведомство жеке және заңды тұлғалардың мемлекеттік деректер базаларының ұлттық тізілімдерін жаңғырту жұмыстарын жүргізуде.