Медицина адамды емдесе, ветеринария-адамзатты емдейді» деген белгілі академик К.Скрябиннің осы бір қанатты сөзі бүгінгі күні нақылға айналып кетті. Адамзаттың саулығы қоршаған ортаның саулығына, әсіресе жан-жануарлар әлеміне тікелей байланысты. Ауыл шаруашылығы жануарлары мен құстардың саулығына кепілдік беретін бірден-бір сала ветеринария десек, Ветеринарияның айнасы- Ветеринариялық зертхана.
Қызылорда облыстық аумақтық инспекция басшысы Е. Апетов, Қызылорда қалалық аумақтық инспекция басшысы У.Куланбаев, биологиялық қауіпсіздік бөлімінің басшысы Ш. Ашимов зертханалық жұмыстардың жай-күйімен танысу мақсатында “Республикалық Ветеринариялық зертхана” РМҚК Қызылорда облыстық филиалына барды.
Ветеринариялық зертхана вирусология, бактериология, паразитология, серология және азық-түлік қауіпсіздігі бөлімдерінен тұрады.
Әрбір бөлімде автоклаф, ИФА, Жуу бөлмесі орналасқан.
Зертхананың жұмысы — тұрақты диагностикалық зерттеулер жүргізу арқылы халықты жануарлар мен адамдарға ортақ ауралардан қорғау және осылайша жануарлардың аса қауіпті жұқпалы аурулары бойынша елдің эпизоотиялық сауаттылығын қамтамасыз ету.
Зертханаға келіп түсетін сынамалар ауыл шаруашылығы жануарларынан ветеринариялық талаптар сақтала отырып алынып, арнайы салқындатқыш (хладагент) салынған суық тізбекті сақтауға арналған құралдармен (термочемодан) зертхананың сынамалады қабылдау бөліміне жеткізіледі. Қабылдау бөліміне әкелінген сынамалар әр түрлі бөлімдерге жолданады. Мәселен қан сынамалары серология бөліміне табысталады.
Зертхана диагностикалық зерттеулерді сапалы жүргізуге мүмкіндік беретін заманауи жалпы зертханалық жабдықтармен жабдықталған. Оның бірден – бір дәлелі 2020 жылы «Короновирустық инфекцияны ПТР диагностикасы» бойынша 2272 проба тексерген.
Вирусологиядан бастау алған танысу, бактериология, паразитология, серология және азық-түлік қауіпсіздігі бөлімдерімен жалғасты. Әр бөлім мамандары өз жұмыстарын, зертханалық препараттары және аппараттарын таныстырып, сонымен қатар зооантропонозды аурулар, соның ішінде бруцеллез, құтыру ауруларын анықтап, қайта өңдеуге және жоюға жібергені жөнінде кеңінен тоқталып өтті.