Қызылордалық Әлихан Жақсылық Алматыдағы Есентай өзеніне құлап кеткен баланың өмірін сақтап қалды. 25 жасар Әлихан бұл ерлігі үшін “Жақсы адам – 2024” атағымен марапатталды.
Бірнеше секунд ішінде көзсіз қадамға барған ол бұл ісін ерлік деп санамайтынын айтады. “Өзен жағасында ойнап жүрген баланың суға құлап кеткенін көргенде жай қарап тұра алмадым. Менің орнымда кім болса да солай жасар еді”,- дейді Әлихан.