«QazaqGaz Aimaq» АҚ техникалық шарттарды (ТШ) алу қызметін цифрлық форматқа көшірді. Бүгінде жыл сайын түсетін 120 мың өтінімнің шамамен 80%-ы, яғни 95 мыңға жуығы онлайн режимде өңделеді. Халық үшін бұл мүмкіндік 2023 жылдан бастап eGov порталы мен eGov Mobile қосымшасы арқылы қолжетімді болса, 2025 жылдан бастап заңды тұлғаларға да ұсынылды.
Ағымдағы жылдың 1 шілдесінен бастап жаңа тұтынушыларға қолайлы болу үшін техникалық шарттарды алу процесі толықтай онлайн форматқа көшірілді. Техникалық шарттар Қазақстан Республикасының заңнамасында белгіленген мерзімдерде беріледі: техникалық жағынан күрделі емес нысандар үшін – 5 күн ішінде, техникалық жағынан күрделі нысандар үшін – 10 күн ішінде.
Келесі кезең – газ тарату желілеріне тікелей қосылу процесін, оның ішінде желіге қосу және газ жіберу жұмыстарын цифрландыру. Бұл қызметтерді келесі жылы автоматтандырып, цифрлық форматқа көшіру жоспарланып отыр.
Қазіргі уақытта желілерге қосылу қызметі Астана қаласында пилоттық режимде онлайн көрсетілуде. 2026 жылдың соңына дейін сервисті Алматы қаласы мен Атырау облысында енгізу жоспарланған. Бұдан кейін жоба еліміздің барлық өңірлерінде кезең-кезеңімен жүзеге асатын болады.