Қазалы ауданында облыс әкімі Нұрлыбек Нәлібаевтың қолдауымен халықты баспанамен қамту, әсіресе әлеуметтік осал топтарға қолдау көрсету бағытында жүйелі жұмыстар атқарылып келеді.
Мәселен, 2023 жылы аудан бойынша халықтың әлеуметтік осал санатындағы 52 отбасыға жаңа пәтердің кілті табысталды. Бұл – тұрғындардың тұрмыс сапасын арттыруға бағытталған нақты қолдаудың көрінісі.
Ал, 2024 жылы бұл игі үрдіс өз жалғасын тауып, жалға берілетін тұрғын үйлер сатып алу және салу мақсатында қаржы бөлініп, әрқайсысы екі пәтерлі 74 тұрғын үйдің құрылысы жүргізілді. Нәтижесінде, 2024 жылы құрылыс жұмыстары толық аяқталып, барлығы 148 отбасы жаңа баспанаға қол жеткізді.
Сонымен қатар, 2025 жылы да тұрғындарды баспанамен қамту жұмыстары жүйелі түрде жалғасып, тағы 80 отбасыға жаңа тұрғын үйдің кілті табысталды. Алдағы уақытта да ауданымызда халықтың әлеуметтік әл-ауқатын арттыруға, тұрғын үймен қамтамасыз ету мәселесін кезең-кезеңімен шешуге бағытталған жұмыстар жалғасын таба бермек.