14 жасқа дейінгі балалар арасында 1 миллионға жуық жағдай тіркелген. Эпидемиялық маусым басталғаннан бері тұмаудың 590 жағдайы зертханалық тұрғыдан расталды. Сондай-ақ А типті тұмаудың 587 жағдайы тіркелді.
Жақында әлеуметтік желілерде Гонконг деп аталатын вирустың таралуы туралы қауесеттер белсенді түрде таралуда, бұл халық арасында тұмаудың жаңа ерекше штаммының пайда болуы туралы қате ой туғызады. Осыған байланысты ресми түсініктеме бергім келеді: көбінесе Гонконг деп аталатын А (H3N2) тұмауы жаңа вирус емес. Ол алғаш рет 1968 жылы анықталды. Сол кезден бастап ол әлем бойынша үнемі айналымда болды. Қазақстан Республикасының аумағында бұл вирус көп жыл бойы бар. Оны мерзімді тіркеу маусымдық эпидемиологиялық процестің бір бөлігі болып табылады», – деп түсіндірді спикер.
ҚР денсаулық сақтау бірінші вице-министрінің айтуынша, ағымдағы жылы тұмау айналымы қазан айының бірінші жартысында басталды. Яғни, өткен жылғы эпидемиологиялық маусымнан сәл ертерек. Бұрын Қазақстан аумағында айналымда болмаған тұмаудың жаңа түрлері анықталған жоқ.
Тимур Сұлтанғазиев анықталған вирустар ағымдағы маусымның вакцина штаммдарына толық сәйкес келетіндігін, бұл вакциналауды аурудың күрделі түрлерінің алдын алуда ерекше өзекті және тиімді ететіндігін атап өтті. Бүгінде елімізде тұмауға қарсы 2,1 млн адам екпе алды.
Сонымен қатар Денсаулық сақтау министрлігі тұмауға қатысы жоқ вирустардың айналымына мониторинг жүргізуде. Жалпы ел бойынша 3 мыңнан астам үлгі зерттелді. Нәтижесінде түрлі вирустың, соның ішінде риновирус, парогрипп, аденовирус, боковирус, коронавирус, РС вирусының айналымы анықталды.
«Жалпы ЖРВИ-мен ауыратындардың 66%-ы – балалар, 34%-ы – ересектер. Соңғы аптада елде ЖРВИ-дің 183 мың жағдайы тіркелді. Бір апта ішінде оқушылар арасында ЖРВИ-дің 6 мыңнан астам жағдайы және тұмаудың 13 жағдайы тіркелді. ЖРВИ-мен ауыратын науқастардың жалпы санының 4%-ы – мектеп оқушылары», – деп толықтырды спикер.