Мәжілісті бастамас бұрын шаһар басшысы қаланың әлеуметтік-экономикасын дамыту мен жетілдіру ісінде көп жылдар бойы аянбай еңбек етіп келе жатқан экономика және қаржы бөлімінің басшысы Баймаханова Гүлнар Бұрханқызын мерейлі 60 жасқа толуымен құттықтады.
Мұнан кейін қала әкімі Нұржан Сәбитұлы аймақ басшысының қолдауымен облыс орталығында салынып жатқан әлеуметтік нысандардың құрылысы мен инфрақұрылымды дамыту шараларына тоқталып, жұмыстардың мерзімінде және сапалы аяқталуын қатаң тапсырды.
– Жауапты мердігер мекемелер құрылысты сапалы аяқтап, тұрғындардың игілігіне уақытылы табыстауы керек. Табысталған нысандар бойынша тұрғындардан сапаға қатысты шағым түспеуі қажет. Сондықтан құрылыс компанияларынан сапалы жұмыс талап етіңіздер, – деді Нұржан Сәбитұлы.