Кеше Долинка кентінінің жайылымында 100-ге тарта қой-ешкі қырылып қалған. Қырылған ұсақ мал Абай ауданы Жартас ауылының фермеріне тиесілі.
Кеше кешкі сағат 20:00 шамасында Абай ауданының ветеринар мамандары жайылымға келіп, өлекселерді мал қорымына тасып, жайылымды дезинфекциялаған. Мамандардың айтуынша, барлық қой-ешкі уақытында вакцина алған. Әзірге уланған деген болжам жасап отыр. Қазіргі уақытта сараптамалық-талдаудан өтіп, тексеріс жүріп жатыр.