Израильдің әскери шабуылдары салдарынан Газа секторында соңғы екі аптада 322 бала қаза тауып, 609 бала жарақат алған. Бұл туралы Біріккен Ұлттар Ұйымы (БҰҰ) мәлімдеді.
Ұйымның мәліметінше, Израильдің әскери операциялары 18 ай бұрын басталған. Осы уақыт ішінде 50 мыңнан астам палестиналық қаза тапқан, олардың 15 мыңы – балалар.
Қақтығыс аймағындағы гуманитарлық жағдай күн санап нашарлап келеді. БҰҰ өкілдері халықаралық қауымдастықты бейбітшілікті қалпына келтіру үшін шұғыл шаралар қабылдауға шақырды.