Сауд Арабиясының Жидда қаласында өткен келіссөз нәтижесінде АҚШ пен Украина атысты 30 күнге тоқтату туралы ымыраға келді.
Алайда Украина бұл талап Ресей тарапынан да бір мезетте орындалуы тиіс екенін жеткізді.
АҚШ өз кезегінде Ресей басшылығына бұл талаптың екі жақты орындалуы бейбітшілікке жетудің негізгі факторы екенін жеткізуге уәде берді. Сонымен қатар, Вашингтон Украинаға қауіпсіздік саласындағы көмекті қайта жандандырып, барлау мәліметтерімен алмасуды жалғастыратынын айтты.
«Владимир Путин келіседі деп үміттенемін. Олай болмағанда жағдай бұдан да қиындайтыны сөзсіз. Апта сайын мыңдаған сарбаз опат болып, бейбіт тұрғындар да зардап шегіп жатыр. Өткенде Ақ үйде болған дауға қарағанда қазір дұрыс жолға түстік», дейді АҚШ президенті Дональд Трамп.
Фото: Синьхуа