Үкіметтің мәліметінше, Президент халыққа Жолдауында терең өңдеу тәсілін меңгеруге басымдық берілген 17 ірі жобаның тізімін атап өткен.
Жобалар тізімі негізгі критерийлер бойынша таңдалды:
- Өнімді қайта бөлудің орташа және жоғары деңгейі;
- Экспортқа және импортты алмастыруға бағдарлану;
- Өндірілетін өнімге нарықтық сұраныс;
- Ел немесе аймақ экономикасы үшін стратегиялық маңыздылығы – мультипликативті әсер.
Бұл жобаларға инвестиция көлемі шамамен 15 трлн теңге болып, 25 мыңнан астам жұмыс орны құрылады. Күтілетін экономикалық тиімділік экспорт көлемінің 6 трлн теңгеге артуы және импортқа тәуелділіктің 1,5 трлн теңгеге төмендеуін қамтиды, — деп жазылған хабарламада.