Президент Қасым-Жомарт Тоқаев мемлекеттік компаниялардың құрылымын қайта қарау қажеттігін атап өтті.
Оның айтуынша, кейбір қызметкерлер пайдалы іспен айналыспай, тек зерігіп жүреді.
«Түскі уақытта олар қонақүйлерде отырып, пікір алмасып, шай, кофе ішіп отырады. Ашық айтайын, олар жұмысқа толық жүктелмеген, кейде ештеңе істемей зерігіп жүреді. Интернетте отырады, тіпті күмәнді пікірталастарға да қатысады. Ашық айтсам, бұл жақсылыққа апармайды», — деді Қасым-Жомарт Тоқаев.