Мемлекеттік бақылаумен қамтылғандар: мемлекеттік және квазимемлекеттік ұйымдар – 273, денсаулық сақтау нысандары – 170, білім беру – 228, әлеуметтік қорғау – 315, мәдениет – 56, спорт – 55, көлік инфрақұрылымы – 44, қоғамдық тамақтану – 26, сауда – 93, қаржы қызметін көрсету 24 және басқа да нысандар – 87.
Осылайша, ҚР Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Шығыс Қазақстан облысы бойынша департаментімен Шығыс Қазақстан облысы прокуратурасының бастамасы бойынша Шығыс Қазақстан облысының дене шынықтыру және спорт басқармасына қарасты 10 объектілеріне халықтың қозғалысы шектеулі топтары үшін нысандардың қолжетімділігі мәселесі бойынша жоспардан тыс тексерулер жүргізілді. Тексерулер қорытындыларымен нұсқамалар беріліп, жауапты тұлғалар әкімшілік жауапкершілікке тартылды.
«Соңғы жылдары қала инфрақұрылымында елеулі оң өзгерістер байқалады. Мүгедектігі бар адамдар үшін әлеуметтік маңызы бар нысандардың қолжетімділігі артты, мемлекеттік ұйымдар, медициналық мекемелер мен қоғамдық кеңістіктер бейімделді. Мұның барлығы біздің күнделікті өмірімізді жеңілдетіп, қажетті қызметтерді кедергісіз алуға жағдай жасап отыр», – деді Өскемен қаласының тұрғыны, бірінші топтағы мүгедектігі бар Айнұр Қалиева.