2023-2024 жылдары елімізде салынған 58 жаңа сүт-тауар фермаларының 21-і СҚО-да іске асырылды. Биыл тағы 8 заманауи кешен қосымша енгізіледі. Облыста сүт шаруашылығында 2 ірі жоба жүзеге асырылуда. «Зенченко және К» командиттік серіктестігі тоқсан орындық «Карусель» сауу қондырғысы бар 8 мың басқа арналған ферма салады. Шаруашылық елдегі ең үздік алғашқы ондыққа кіреді және сүт сауу өнімділігі бойынша Қазақстанда 1-орында.
«Мағжан Жұмабаев ауданында «СК Агро» серіктестігі 100 бас сиырға «Карусель» бірегей сауу қондырғысы бар 10 мың басқа арналған Орталық Азия бойынша ең ірі ферма салады. Екі жоба бойынша сүт өндірудің жылдық өсімі 68 мың тоннаны құрайды. Бұл агроқұрылымдар өндіретін сүттің үлесін 70%-ға дейін арттыруға мүмкіндік береді. Мәселен, Беларусьте заманауи фермалар сүт өндірісінің 77%-ға дейін, Қытайда 70%-дан астам, Еуропа елдерінде 93%-дан астамын қамтамасыз етеді. Жобаларды іске асыру өңірдің позициясын нығайтып, Солтүстік Қазақстан облысының республикалық сүт өндірісіндегі үлесін 20%-ға дейін жеткізуге мүмкіндік береді»,-деді өңір басшысы.
Президент жыл сайынғы Жолдауында ауыл шаруашылығын жаңғырту мен азық-түлік қауіпсіздігін ұлттық басымдық ретінде белгіледі. Өңірде қайта өңдеудің маңызды жобалары іске асырылуда. Қуаттылығы 370 мың тонна майлы дақылдар өндіретін және 120 мың тонна өнім өндіретін «МаслоДел» май экстракциялық зауыты жұмыс істейді, оның басым бөлігі экспортқа бағытталған. Кәсіпорынның қуатын жылына 92 мың тоннаға дейін арттырып, жұмыс орындарын құруды қамтамасыз еткен «Eurasian Milk» серіктестігінде қоюландырылған сүт цехының құрылысы аяқталды. Агроөнекәсіп кешенінің инновациялық бағыттары дамуда. «Север Агро LTD» серіктестігінде 400 бас күшім тұқымына арналған биенің құрғақ сүтін өндіру фермасы іске қосылды. Бұл – Қазақстандағы осындай екінші жоба.
Қант қызылшасын өндіру жалғасуда. «Asyl Farms» серіктестігінің тәжірибелік егістері өсімдіктің өте жақсы бейімделуін көрсетті. Қанттылығы 20%-ға жетіп, үздік еуропалық сорттардың деңгейін көрсетті. Қуаттылығы 1 млн тонна шикізатты өңдейтін және 200 мың тоннаға дейін қант шығаратын зауыт салу жоспарлануда. Бұл импортты қысқартып, азық-түлік қауіпсіздігін нығайтуға мүмкіндік береді. Қызылжар ауданының «Salar Farm» серіктестігінде қуаттылығы жылына 60 мың тонна түйіршік жоңышқа өңдеу зауытын салу жобасы іске асырылуда. Өнімдер Қытаймен Орта Азия елдеріне экспортталады. Нысанды 2026 жылы іске қосу жоспарлануда.
Жасанды интеллектіні енгізу ауыл шаруашылығының барлық негізгі процесін қамтиды. «Ақылды фермалар» және жасанды интеллект негізіндегі аналитикалық жүйелер егінді дәл басқаруды, жануарларды бақылау мен шығындарды оңтайландыруды қамтамасыз етеді.