Ақтауда синтетикалық есірткіні сақтады және өткізді деген күдікпен ер адам ұсталды. Маңғыстау облысы полиция департаментінің есірткі қылмысына қарсы іс-қимыл басқармасының қызметкерлері күдіктіні «Қарасора – 2026» жедел-профилактикалық іс-шарасы аясында қолға түсірді, деп хабарлайды Egemen.kz.
Жеке тінту барысында күдіктіден зип-пакеттерге оралған заттар мен телефон тәркіленді.
Сараптама қорытындысына сәйкес тәркіленген зат жалпы салмағы 58,9 грамм болатын мефедрон есірткісі екені анықталды.
Сонымен қатар медициналық куәландыру қорытындысы бойынша күдіктінің есірткілік масаң күйде болғаны анықталды. Осыған байланысты оған ҚР Әкімшілік құқық бұзушылық туралы кодексінің 440-1-бабы бойынша әкімшілік материал рәсімделді.
Аталған дерек бойынша есірткі заттарын заңсыз сақтау және өткізу дерегі бойынша қылмыстық іс қозғалды. Күдікті уақытша ұстау изоляторына қамалды. Өзге мән-жайлар анықталып жатыр.
«Қарасора – 2026» жедел-профилактикалық іс-шарасы аясында Маңғыстау облысы полиция департаментінің есірткі қылмысына қарсы іс-қимыл басқармасының қызметкерлері Ақтау қаласында синтетикалық есірткі заттарын сақтау және өткізумен айналысты деген күдікпен ер адамды ұстады.