Орталық коммуникациялар қызметі алаңында өткен баспасөз конференциясында ҚР ДСМ Санитариялық-эпидемиологиялық бақылау комитетінің төрағасы Сархат Бейсенова күзгі-қысқы кезеңде аурудың алдын алу шараларын сақтау қажеттігін еске салды.
Қарапайым әрі таныс шаралар ЖРВИ мен тұмаумен ауыру қаупін едәуір төмендетеді.
«Аурудың алдын алу үшін тұмауға қарсы уақытылы екпе алу, адам көп жиналатын жерлерде бетперде тағу, жеке гигиена ережелерін сақтау, үй-жайларды үнемі желдетіп, ылғалды тазалап отыру, эпидемиялық өршу кезеңінде халық көп жиналатын жерлерден аулақ болу, аурудың белгілері пайда болған жағдайда өзіңізді емдемеу және уақытылы медициналық көмекке жүгіну», – деді спикер баспасөз конференциясында.