Тағзым алаңында «Отан қорғау – азаматтық борышымыз» атты әскерге шығарып салу салтанатты шарасы өтті.
Салтанатты іс-шараны аудан әкімінің орынбасары Б.Ысмағұлов ашып, сөз сөйледі. Шараға Аудандық қорғаныс істері жөніндегі бөлімінің бастығы Қ.Бегманов, құқық қорғау саласының ардагері А.Сармантаев, Тәжік-ауған шекарасындағы ұрыс қиылдарының ардагерлері мен мүгедектері қоғамдық бірлестігінің төрағасы Ғ.Байжанов, ҚР ҰҚК Шекара қызметінің Қызылорда облысы бойынша департаментінің Шиелі шекара бөлімінің бастығының орынбасары, капитан А.Манапов, аудандық мәслихат депутаты Н.Шәлекеева және БАҚ өкілдері мен ата-аналар қатысты.
Биыл Тәуелсіз еліміздің айбыны болып табылатын Қазақстан Республикасы Қарулы Күштерінің құрылғанына 33 жыл.
Биыл ауданымызда көктемгі шақыртылуымен 92 азамат әскерге шақырылған болса, күзгі әскерге шақыртуға 96 азаматты жөнелту жоспарлануда.
Бүгін 10 жас сарбаз отан алдындағы борышын өтеуге аттанды.
