20 шілде – Халықаралық шахмат күні болып 1966 жылдан бастап тойланады. Бұл мереке 1924 жылы құрылған Әлемдік шахмат федерациясы шешімімен бекітілген. Шахматтың тарихы бір жарым мың жылдан асады. Шахмат біздің дәуірімізге дейінгі V-VI ғасырда Үндістанда пайда болған. Ал 1886 жылы шахматтан алғашқы әлем чемпионаты өтті. Ойынның қазіргі аты парсы тілінен аударғанда «шах мат» – «билеуші өлді» деген мағынаны білдіреді. Бұл ойынды жер шарының 25% тұрғыны ойнайды екен.
Осы айтулы күнге орай орай қала әкімдігінің ұйымдастыруымен алғаш рет отбасылық шахмат турнирі өтті. Орталық алаңда өткен тартысты турнир қала тұрғындары мен қонақтарына ерекше көңіл-күй сыйлады. Мұндай сайыстар шахмат өнерінің дамуына тың серпін берері анық.
Турнир барысында қатысушылар «Үздік стиль», «Чемпиондар мен сеанс», «Отбасылық турнир» сияқты бірнеше номинация бойынша бақ сынасты. Отбасылық командалар арасындағы интеллектуалды бәсеке ерекше әсерге толы болды.
Шарада қалалық дене шынықтыру, спорт және туризм бөлімі басшысының міндетін атқарушы Думан Қонысбайұлы қатысушыларға сәттілік тіледі. Бөлім басшысының міндетін атқарушы шахматтың тек спорт түрі ғана емес, отбасылық береке мен ұрпақтар сабақтастығын нығайтатын құрал екенін атап өтті.
Шахмет турниріне 30-ға жуық командадан құралған, 60-тан астам отбасы мүшелері қатысты. Турнир қорытындысы бойынша жеңімпаздар мен жүлдегерлерге ақшалай және бағалы сыйлықтар табысталды.
