Трамп Иран мен Израиль қақтығысы туралы сөз етті, деп хабарлайды ALASH.KZ.
Біз Иранның ядролық мәселесін дипломатиялық жолмен шешуге бұрынғыдай берік бейілдіміз! Менің әкімшілігімдегі барлық қызметкерлерге Иранмен келіссөз жүргізу тапсырылды. Иран ұлы мемлекетке айнала алады, бірақ ол үшін алдымен ядролық қаруға ие болу үмітінен толық бас тартуы керек. Осы мәселеге назар аударғандарыңыз үшін алғыс айтамын!
Мемлекеттік департамент басшысы Рубио мәлімдеме жасады. Ол АҚШ Израильдің Иранға жасаған соққыларына қатысқан жоқ және ешқандай көмек көрсетпегенін айтты.
Бүгін кешке Израиль Иранға қарсы біржақты әрекет жасады. Біз бұл соққыларға қатысқан жоқпыз, қазіргі басты басымдығымыз – аймақтағы америкалық күштердің қауіпсіздігін қамтамасыз ету.
Израиль бұл әрекеттерін өз-өзін қорғау үшін қажет деп есептейтінін бізге хабарлады. Президент Трамп пен әкімшілік америкалық күштерді қорғау және аймақтағы серіктестермен тығыз байланыста болу үшін барлық қажетті шараларды қабылдады.
Мен нақтылап айтқым келеді: Иран АҚШ-тың мүдделеріне немесе қызметкерлеріне шабуыл жасамауы керек.
Fox News журналисінің айтуынша, Трамп Израильдің Иранға шабуыл жасау жоспары туралы алдын ала білген, бірақ АҚШ бұл шабуылға қатысқан жоқ.