Ағылшын социологтары смартфонсыз өмір сүруге құштар жас толқынның бар екенін анықтапты. The offline Club деген инстаграм қолданушы Джорди, Илья, Валентин деген үш жігіт адамзатты смартфон шыққанға дейінгі кезеңге қайтару туралы бастама көтеріпті.
Қазір Лондон, Париж, Амстердам, Милан, Копенгаген қалаларының жастары бұл бастамаға оң иығын бере бастапты.
Bitkom деген неміс ассоциациясының зерттеуінше 2024 жылы 16 мен 29 жас аралығындағы адамдар тәулігіне 3 сағаттан артық смартфонға тесіліп отыратындығын анықтаса керек. Британ стандарттар институты мамандары осы жастағы адамдардың 70 пайызы әлеуметтік желіде отырғаннан соң өздерін өте жайсыз сезінетіндігін айтып отыр.
Жастар арасында депрессия, стресс, мазасыздық, ұйқысыздық, ашушаңдық белең алған көрінеді. Үш апта бойы интернет қолданбаған жастардың 27 пайызы өмір сүруге құштар бола бастаған екен.
Кейбір ел әлеуметтік желіге енуге “коменданттық сағат” қолдану туралы да айта бастады.
Қазақ жастары желіден бас тарта ала ма? Смартфонсыз да өмір бар екенін ұға ма?!.
Нұртөре Жүсіп,
ҚР Парламенті Сенатының депутаты
ҚР Парламенті Сенатының депутаты