Министрліктің мәліметінше, 2024-2025 оқу жылында колледждерде 550 мыңнан астам студент білім алған. 173 мың студент оқуын бітіреді, оның ішінде жұмыс біліктілігі бойынша 123 мың студент, дуальды оқыту шеңберінде 27 мың студент білім алып шығады. Кәсіпорындардың мақсатты тапсырысы бойынша 10 мың студент бітірді.
«Жыл сайын колледж түлектерін жұмысқа орналастыру көрсеткіші өсуде: 2024 жылы түлектердің 81%-ы жұмыспен қамтылды. Жұмысшы мамандықтары жылы аясында жұмысшы мамандықтардың беделін арттыруға және колледждердің бизнеспен өзара іс-қимылына аса назар аударылуда. Оқу жылының қорытындысы бойынша қамқорлық көмек көрсететін кәсіпорындардың саны 7 есе артты. Бүгінгі таңда 4 мыңнан астам кәсіпорын 662 колледжге, өткен жылдың қорытындысы бойынша 412 колледжге 558 кәсіпорын қамқорлық көрсетуде», — деп атап өтті Ғани Бейсембаев.
Оның айтуынша, «педагог-кәсіби бағдарлаушы» лауазымы алғаш рет ресми түрде бекітілді. 905 жоғары сынып оқушысы жалпы білім туралы аттестатпен қатар, жұмысшы біліктілігі бойынша диплом алды. 2,5 млн мектеп оқушысы кәсіби бағдарлаушы шараларымен қамтылды.
104 колледждің материалдық-техникалық базасы жаңартылды. Студенттердің тұрмыс жағдайын жақсарту үшін 2 мың орынға арналған 8 жатақхана пайдалануға берілді. Бизнес өкілдері 8 мыңнан астам білім беру бағдарламаларын әзірлеуге қатысты.