Бұл туралы Үкімет отырысында Энергетика министрі Ерлан Ақкенженов мәлімдеді.
Министрдің айтуынша, 2024 жылдың қорытындысы бойынша елде 59 млрд текше метр газ өндірілген. Алдағы жылы өсім негізінен Қарашығанақ, Теңіз және Қашаған сияқты ірі кен орындары есебінен қамтамасыз етіледі.
«2024 жылы тауарлық газ өндіру көлемі 28,7 млрд, текше метрді құрады. 2025 жылға арналған өндіріс жоспары – 29,4 млрд текше метр. 2025 жылдың I тоқсанында 7,3 млрд текше метр өндірілді», деді ол.
Сонымен қатар министр 2024 жылы ішкі нарықтың қажеттіліктеріне 21,2 млрд текше метр жеткізілгенін айтты. 2025 жылға болжанып отырған тұтыну көлемі шамамен 21,3 млрд текше метрді құрайды.
Айта кетейік, 2024 жылы сұйытылған мұнай газын өндіру көлемі 1,7 млн тоннаны құраған. 2025 жылға арналған жоспар 1,7 млн тонна және 2025 жылдың I тоқсанының қорытындысы бойынша 2024 жылғы тиісті кезеңмен салыстырғанда шамамен 0,5 млн тонна немесе 107,7% өндірілген.